Франција депортира 50 руски навивачи задржани на пат за Лил

Француската полиција соопшти дека ќе ги депортира сите 50 руски навивачи кои се во автобус на Серуската организација на навивачи (ВОБ) на пат за Лил каде ќе се одржи натпреварот од Европското фудбалско првенство помеѓу репрезентациите на Русија и Словачка, соопшти претседателот на ВОБ Александар Шпригин.

„Полицијата сега нѐ извлекува сите од автобусот, најавија депортација. Причините не ни беа објаснети. Во автобусот има 50 луѓе. Тоа е вистинско шоу! Никој од нас не е приведен во нередите во Марсеј, а тие поради некоја причина се настрвија на официјалната делегација на ВОБ“,  изјави Шпригин за Р-Спорт.

u0424u0440u0430u043du0446u0443u0441u043au0430u0442u0430 u043fu043eu043bu0438u0446u0438u0458u0430 u0438u0437u0432u0440u0448u0438 u043fu0440u043eu0432u0435u0440u043au0430 u0432u043e u0445u043eu0442u0435u043b u0441u043e u0440u0443u0441u043au0438 u043du0430u0432u0438u0432u0430u0447u0438

Претходно во понеделникот француските специјални единици блокираа и претресуваа организирани групи на руски навивачи на приодите кон Лил.

Шпригин претходно соопшти дека француските специјалци го опколиле автобусот со руски навивачи и се заканувале дека ќе употребат сила и ќе ги приведат сите навивачи.

„Две лица се веќе депортирани, уште две жени се приведени, една од нив е моја помошничка, а другата соработничка на Рускиот фудбалски сојуз. Рековме дека нема да излеземе од автобусот, на што полицајците одговорија дека ќе применат сила“, изјави Шпригин.

Адвокатот Тимур Маршани со кого разговараше новинарот на порталот „Лајф“  смета дека руските навивачи се депортираат од Франција незаконски. Тој истакна дека на руските државјани не им е дадено право на одбрана и дека за депортацијата не се известени ни амбасадорот ни конзулот на Русија.

Сите права ги задржува „Росијскаја Газета“.