Сенатот на САД дозволи набавка на 18 руски ракетни мотори РД-180

Сенатот на САД даде дозвола да се продолжи со купување руски ракетни мотори РД-180, соопшти за агенцијата „Спутник“ сенаторот Ричард Шелби.

„Го усогласивме ова прашање. Договорот е до 2022 година и 18 ракетни мотори“, изјави Шелби.

u0420u043eu0433u043eu0437u0438u043d: u0414u043eu043au0443u043cu0435u043du0442u0430u0446u0438u0458u0430u0442u0430 u0437u0430 u043cu043eu0442u043eu0440u0438u0442u0435 u0420u0414-180 u0421u0410u0414 u0458u0430 u0434u043eu0431u0438u0458u0430 u0437u0430 u0432u0440u0435u043cu0435 u043du0430 u0415u043bu0446u0438u043d

Претходно главниот конструктор на „НПО Енергомаш“ на државната корпорација „Роскосмос“ Владимир Чванов изјави дека компанијата-производител е подготвена да им испорача ракетни мотори РД-180 на САД.

Руските РД-180 се користат за ракетата „Атлас V“ која ги реализира лансирањата на леталата за Военото воздухопловство на САД, како и за научните и истражувачките мисии на НАСА. Претходно Пентагон соопшти дека планира да се откаже од руските ракетни мотори кога тоа ќе стане можно и кога ќе се појават достојни конкуренти на РД-180.

На иницијатива на сенаторот Џон Меккејн во 2014 година, Конгресот на САД одлучи да се откаже од руските мотори и да го забрза развојот на американските пандани, но оваа забрана беше укината во законот за буџетот кој стапи во сила во декември и е со важност до октомври 2016 година.

Сите права ги задржува „Росијскаја Газета“.