Рогозин: Документацијата за моторите РД-180 САД ја добија за време на Елцин

12 април 2016

Руска реч на македонски

Документацијата за ракетните мотори РД-180 е предадена на САД уште во времето на првиот претседател на Русија Борис Елцин, но нивното производство во САД не се покажа економски исплатливо и затоа тие продолжуваат да купуваат мотори од Русија без оглед на санкциите, изјави вицепремиерот на Русија Дмитриј Рогозин.

„Договорот за РД-180 е уште од 1994 година. За време на другарот Борис Николаевич Елциј успеавме не само да ги испорачуваме тие мотори, туку ја предадовме и целата техничка документација за нивно производство на територијата на САД“, рече Рогозин во програмата на радиото „Ехото на Москва“.

u041du0430 u0421u0410u0414 u0438u043c u0442u0440u0435u0431u0430u0430u0442 18 u0440u0443u0441u043au0438 u043cu043eu0442u043eu0440u0438 u0437u0430 u0441u0430u0442u0435u043bu0438u0442u0438

Поради различни причини САД не успеаја да развијат масовно производство на РД-180 за американските ракети-носачи „Атлас“. Резултат на тоа е што Американците и понатаму продолжуваат да купуваат во Русија готови мотори.

Претходно директорот на „Роскосмос“ Игор Комаров изјави дека САД и во следните неколку години ќе бидат принудени да ги купуваат РД-180 во Русија.

„Тие (моторите) во моментов се најдобрите од сите постоечки на светот од гледна точка на односот цена/квалитет“, објасни Комаров, пренесе РИА „Новости“.

Сите права ги задржува „Росијскаја Газета“.

русија и сад Накратко