Лавров:Размената меѓу Русија и Кина може да дојде до 200 милијарди долари

Трговската размена меѓу Русија и Кина од 200 милијарди долари е цел која може да се постигне, изјави шефот на МНР РФ Сергеј Лавров.

„Кина е клучниот трговско-економски партнер. На агендата, како што знаете, е реализацијата на задачите доделени од лидерите на двете држави - билатералната трговија до 2020 година да се доведе до 200 милијарди американски долари“, изјави тој, говорејќи на конференцијата „Русија и Кина: до нов квалитет на билатералните односи“.

Според Лавров, оваа цел може да изгледа превисока. „Но, јас сум убеден дека, и покрај сите конјуктурни и субјективни проблеми кои се јавуваат, оваа цел е сѐ уште на агендата и е потполно достижна“, истакна Лавров.

Тој наведе дека Москва смета на продлабочување на соработката меѓу банкарските институции на Русија и Кина.

„Зацврстувачка улога во руско-кинеското партнерство игра соработката во енергетиката во сите нејзини димензии Ние континуирано се движиме во насока на формирање на стратешка енергетска алијанса чија намена е да придонесе за зајакнување на енергетската безбедност во целина“ -рече шефот на Министерството за надворешни работи на Русија, пренесува РИА „Новости“.

Сите права ги задржува „Росијскаја Газета“.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња