Украина концентрира техника на границата со Крим

Концентрирањето на украински воени формации и оклопна техника е забележано последниве денови на територијата која се граничи со северот на Крим, соопшти извор од воените структури на полуостровот.

Изминативе денови на подрачјето на руско-украинската граница на северот на Крим е регистрирано концентрирање на воени формации и засилување на оклопната групација. На територијата на Херсонската област недалеку од Армјанск и Чонгарскиот теснец се појавија заштитени огнени позиции.

Според зборовите на неименуваниот извор, до засилување на украинската оклопна групација дошло во текот на последниве неколку денови.

Забележани се вкопани тенкови, зголемен е бројот на транспортери, се воспоставува огнена линија за поддршка, рече изворот.

Претходно во средата претседателот на Украина Петро Порошенко изјави дека планира да ги врати Крим и Донбас во состав на Украина, како што ја врати припадничката на украинските вооружени сили Надежда Савченко.

Портпаролот на рускиот претседател Дмитриј Песков, коментирајќи ги изјавите на Порошенко нагласи дека Кремљ не ги коментира претензиите врз руските региони, пренесува „Взгљад“.

Сите права ги задржува „Росијскаја Газета“.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња