Нова серија бродови ќе биде изградена за Тихоокеанската флота

Командантот на Воената морнарица на Русија адмирал Владимир Королев најави по повод одбележувањето на Денот на Тихоокеанската флота дека во најскоро време за неа ќе бидат изградени шест дизел подморници и шест корвети од последна генерација.

Тихоокеанската флота и во иднина ќе игра огромна улога во безбедноста на морските и океанските правци, изјави во саботата командантот на Воената морнарица на Русија адмирал Владимир Королев, соопшти Управата за прес-служба и информација за ВМФ на Министерството за одбрана на РФ.

„Во 2016 година во местото на постојано базирање ќе пристигне нуклеарната подморница „Владимир Мономах“ од проектот „Бореј“. Веќе е донесена одлука за изградба за ТОФ на серија од шест дизел-електрични подморници од Проектот 636.3. За надводните сили во најблиска иднина ќе биде изградена серија бродови од последна генерација. Се работи за шест корвети“, изјави Королев, честитајќи им го на морнарите Денот на формирањето на Тихоокеанската флота.

Командантот на ВМФ РФ исто така истакна дека ТОФ и понатаму ќе игра огромна улога во обезбедувањето на безбедноста на морските океанските правци. На пример, во моментов на море празникот го одбележуваат околу 20 бојни бродови на флотата, пренесува „Интерфакс“.

Сите права ги задржува „Росијскаја Газета“.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња