„Волт Дизни“ снима филм во Русија

Руското претставништво на „Дизни“ и руското студио Yellow, Black & White почнуваат со продукцијата на играната комична сказна „Последниот богатир“, раскажа генералниот директор на „Дизни“ во Русија Марина Жигалова-Озкан.

„За нас овој проект е стратешки: сакаме да ја продолжиме традицијата на екранизација на руските сказни што ја почнаа големите режисери Александар Роу и Александар Птушко“, истакна Жигалова-Озкан.

2 u043du0435u0434u0435u043bu0438 u0440u0443u0441u043au0438 u0444u0438u043bu043c u0441u043e u0442u0438u0442u043b u2013 u0431u0435u0441u043fu043bu0430u0442u043du043e u0438 u043eu043du043bu0430u0458u043d

Во филмот победникот на телевизиско шоу за волшебници и видовити Иван заминува од современиот свет во „вселената на руските сказни“ каде го сметаат за потомок на богатирот Иља Муромец, лик од руските сказни. Режисер на филмот е Дмитриј Дјаченко. А улогите во филмот ги играат руски актери.

Снимањето на филмот почнува во мај, притоа компаниите подеднакво ќе учествуваат во работата над проектот. Партнерите исто така преговараат за продукција на филмот во форматот IMAX.

Во 2009 година „Дизни“ веќе се обиде да заработи во Русија: сказната „Книгата на мајсторите“ со буџет од околу 8 милиони долари заработи на домашниот пазар 10,8 милиони долари. Филмот беше продаден уште во 70 земји, првенствено за телевизиско прикажување, пишува „Комерсант“.

Сите права ги задржува „Росијскаја Газета“.