Захарова: Крим сам стана и си замина од Украина

Изборот на населението на Крим за соединување со Русија не беше во полза на Украина, тоа беше предизвикано од колосалното самоволие на украинските власти. Москва не го одзеде Крим, Крим самиот „си замина“, изјави портпаролот на МНР РФ Марија Захарова.

„Ние не ѝ го одзедовме Крим на Украина, што и да мислат за тоа. Сакам вака да им одговорам на полските читатели: обидете се да толкувате сѐ едноставно. Сфатете, Крим си замина од Украина, сам“, рече Захарова во интервјуто за Sputnik Polska.

Таа вели дека многумина во Европа едноставно не сфаќаат дека Русија не го одзела Крим, дека „Крим самиот стана и си замина, како што посвоено дете си заминува од семејството во кое никогаш не го сакале“.

Зборувајќи за референдумот на Крим, портпаролот на МНР Русија истакна дека на жителите на Крим им помогнал да ја изберат својата иднина „историскиот избор на предците кои живееле на таа територија“.

„Второ, тоа не беше избор во полза на Украина во која дојде до незаконска промена на власта, каде настана тотален хаос, каде се чувствуваше надворешен притисок, а властите се секогаш подготвени добро да се продадат“, нагласи Марија Захарова.

Сите права ги задржува „Росијскаја Газета“.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња