Захарова: Фантазирањето не штети

Москва ги коментираше изјавите од украинска страна за намерата да се формира меѓународна група за почеток на преговори за враќање на Крим во составот на Украина.

Кримско прашање како такво не постои, и затоа не може да се дискутира за него, изјави портпаролот на претседателот на РФ Дмитриј Песков, коментирајќи ги идеите на Киев за можни преговори во проширен женевски формат за судбината на полуостровот.

„Прашањето на Крим како такво не постои. Според тоа, невозможно е да се дискутира за прашањето за Крим како такво“, изјави Песков, пренесува ТАСС.

Исто така, и Министерството за надворешни работи на Русија ја коментираше идејата на Киев за некаков формат за Крим со зборовите „фантазирањето не штети“, пренесува РИА „Новости“.

Претходно украинскиот претседател Петро Порошенко изјави за намерата за формирање група за почеток на преговори за враќање на Крим во составот на Украина во формат „Женева плус“ со учество на ЕУ, САД и, веројатно, други земји.

Сите права ги задржува „Росијскаја Газета“.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња