Медиум: САД поради Русија размислуваат за набавка на нов мразокршач

На Америка ѝ е потребен нов мразокршач поради руските воени и трговски активности во арктичкиот регион и поради надмоќта на руската флота мразокршачи, сметаат американски сенатори.

Крајбрежната стража на САД треба за Алјаска да купи најнов мразокршач кој чини милијарда долари за да одговори на сѐ поголемото воено присуство на Русија на Арктикот, објавува „Си-Ен-Ен“.

За потребата од набавка на нов тежок мразокршач зборуваат и сенаторите на државата Алјаска, како и командантот на Крајбрежната стража на САД адмиралот Пол Зукунфт, пренесува „Взгляд”.

Сенаторите сметаат дека на Америка ѝ е потребно да купи нов мразокршач поради руските воени и трговски активности во регионот и поради нееднаквоста меѓу руската и американската флота мразокршачи.

На почетокот на септември минатата година американското интернет издание „Вокатив“ соопшти дека САД значително заостануваат зад Русија според бројот на мразокршачи, без кои е невозможно во целосна мерка да се искористат предностите кои ги носи топењето на арктичкиот мраз. Тука спаѓаат новите можности за трговија, туризам и научни истражувања.  

Сите права ги задржува „Росијскаја Газета“.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња