Рогозин: Русија му го испорачува на Иран системот С-300

Потпретседателот на владата на Русија Дмитриј Рогозин изјави дека Русија почнала да го снабдува Иран со ракетните системи С-300.

Потпретседателот на владата на Русија Дмитриј Рогозин изјави дека ситуацијата околу испораката на ракетните системи С-300 е решена по долготрајните и макотрпни преговори и дека Русија веќе го реализира договорот за испорака на ракетите на Иран.

Потоа ќе бидат реализирани и други договори од воено-техничката соработка со Иран, додаде Рогозин, без да прецизира детали.  

Претходно, по потпишувањето на „нуклеарниот договор“ на 13 април, претседателот на Русија Владимир Путин ја укина забраната за испорака на С-300 на Иран.

Како што наведуваат извори во ресорот за воено-техничка соработка, Русија до крајот на септември 2016 година ќе му испорача на Иран системи С-300ПМУ-2 во вредност од над една милијарда долари, пренесува „Взгљад“.

 

Сите права ги задржува „Росијскаја Газета“.