Русија, Украина и ЕУ ќе одржат средба околу прашањето за гасот на 29 октомври

Средбата треба да ги финализира досегашните преговори околу испораките на гас за време на зимскиот период.

Трилатерална средба меѓу Русија, Украина и ЕУ околу прашањето за испораките гас е планирана за 29 октомври во Брисел. Ова го соопштува РИА Новости, повикувајќи се на европскиот комесар за енергетика, Гинтер Етингер.

Етингер забележа дека смета на потпишување договор и постигнување прогрес за време на преговорите.

Претходно беше соопштено дека Европската комисија и Киев веќе ја усогласиле позицијата околу следната рунда трилатерални преговори во формат Украина-Русија-ЕУ околу прашањата за испорака на гас во Украина. 

Сите права ги задржува „Росијскаја Газета“.

Овој веб-сајт користи колачиња. Кликнете овде за да дознаете повеќе.

Прифати колачиња