Огнот не стивнува: како се борат со шумските пожари во Јакутија

На територијата на Јакутија веќе трет месец нема дожд, што ја влошува тешката состојба со шумските пожари во регионот, изјави за ТВ „Ѕвезда“ Николај Коваљов, заменик-началник на Федералната агенција за шумско стопанство „Авиалесохрана“. Тој појасни дека силните ветрови и сувоста на шумите доведуваат до брзо ширење на оган.

„За жал, на територијата на Република Саха веќе трет месец, всушност, нема ниту една капка дожд, така што ситуацијата е таква што оптоварувањето на ветерот на оваа територија е многу високо - повеќе од 10 метри во секунда. Сува подлога, зимзелени шуми, затоа пожарите се шират многу брзо“, објасни Коваљов.

Тој додаде дека борбата со шумските пожари е отежната поради нивната непристапност. Како резултат на тоа, невозможно е да се вклучи тешка булдожерска техника, а рачното гаснење пожар на тој начин е неефикасно, истакна заменик-началникот на „Авиалесоохрана“.

„Многу далечни шумски масиви се во пламен и мораме да ги префрлиме апаратите за гаснење таму само со хеликоптери и авиони, како резултат на што не можеме да работиме со тешка булдожерска техника и, како по правило, големите шумски пожари е тешко да се гаснат рачно“, додаде специјалистот.

Тој истакна дека за гаснење на шумските пожари, се користи експлозивна метода на правење појаси, проследено со палење оган во правец на пожарот, а исто така се применува и вештачко предизвикување врнежи.

Прочитајте повеќе: Јакутија гори цело лето! Што всушност се случува? (ФОТОГРАФИИ И ВИДЕО)

При користење на материјалите на Russia Beyond задолжителен е хиперлинк до изворот од кој е преземен материјалот.