Бројот на абортуси во Русија намален за третина

„Вкупниот број на абортуси извршени минатата година во Русија изнесуваше околу 450 илјади. Приближно една половина беше по желба на жените. Тоа е, се разбира, многу голема бројка, меѓутоа, таа е за 35% помала отколку пред пет години. Односно, во последните пет години бројот на абортуси е намален за една третина“, рече Салагај, пренесува новинската агенција ТАСС.

Како што наведе тој, намалувањето на бројот на абортуси се должи на систематската работа во таа област, меѓу другото, благодарение и на советувањето на жените пред интервенција.

Од приближно 230 илјади жени кои решиле да абортираат во 2020 година и го поминале претходното советување, околу 49 илјади од нив се откажале од абортус, нагласи заменик-министерот.

Претходно патријархот Московски и на цела Русија Кирил ги повика жените кои не се подготвени да растат деца да не се одлучуваат за абортус, туку да ѝ ги даваат бебиња на Руската православна црква која ќе ги воспитува. Според податоците на Ростат од 2018 година, во Русија годишно се вршат 550 илјади абортуси.

При користење на материјалите на Russia Beyond задолжителен е хиперлинк до изворот од кој е преземен материјалот.