Песков објасни кога Путин научил да вози робустен теренец

Kremlin.ru
Претседателот Владимир Путин одамна умее да го вози теренското возило што го возеше за време на викендот што го помина во сибирската тајга, изјави портпаролот на рускиот претседател Дмитриј Песков.

„Теренецот научи да го вози многу одамна. Кога станува збор за возачкиот испит за тој џип, не можам точно да ви кажам, едноставно немам информација. Ќе морам да прашам“, изјави Песков, одговарајќи на прашање за тоа кога Путин научил да вози теренец и дали го има положено возачкиот испит за таа категорија.

Портпаролот на Кремљ исто така беше замолен да каже нешто и за облеката на претседателот и министерот на одмор во Република Тува во Сибир, родниот град на министерот за одбрана Сергеј Шојгу, кога двајцата носеа валенки и кожуви од јагнешка кожа. „Знаете дека во Сибир не се оди во панталони, чевли и капут и дека е потребна сибирска опрема за тоа“, одговори тој, потврдувајќи дека станува збор за облека од домашно производство.

Меѓутоа, тој не можеше да одговори на прашањето дали Путин и Шојгу посетиле сибирска парна бања. Зборувајќи за наместената трпеза за гости, на која освен чај имаше и кисели краставички и сланина, Песков објасни: „Тие таму, меѓу другото, и јадеа, тоа е токму дел од трпезата“.

Путин го помина минатиот викенд во сибирската тајга, која инаку ја претпочита како место за одмор, во друштво на министерот за одбрана.

 

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња