Путин раскажа како се чувствува во друштвото на луѓе кои не се на високи функции

Ова рускиот претседател го раскажа во филмот „Русија. Кремљ. Путин“, чиј фрагмент објави новинарот на телевизијата ВГТРК Павел Зарубин на својата страница на Инстаграм.

„Шефот на државата секогаш мора да биде на врска, цело време, деноноќно. Тоа е негова обврска“, рече рускиот лидер.

Путин исто така раскажа дека се чувствува многу пријатно во друштвото на граѓани кои не се на функции. „Тоа е во извесна мера мојата природна средина, затоа што јас потекнувам од обично работничко семејство“, рече претседателот.

Владимир Путин на фотографијата со жители на Иваново. Русија, март 2020.

Aleksey Nikolskyi/Kremlin via REUTERS

Филмот „Русија. Кремљ. Путин“ ќе биде прикажан во недела, 21 јуни во 22:00 часот на тв-каналот „Русија 1“. Рускиот претседател во овој филм направи исклучок и првпат ја покажа „тајната соба“ што се наоѓа до неговиот кабинет во Кремљ. Покрај тоа, раскажа и како му телефонираат внуците на работа и како понекогаш умее да биде остар спрема подредените.

При користење на материјалите на Russia Beyond задолжителен е хиперлинк до изворот од кој е преземен материјалот.