Шумахер купи „Нива” за превоз на вино

Ралф Шумахер
Ралф Шумахер, помладиот брат на Михаел Шумахер и поранешен возач на „Формула 1“, набави теренско возило Lada 4x4, познато под називот „Нива“.

Според извештајот на порталот Autonews од 26 мај, овој 44-годишен возач планира да го користи автомобилот за одење до својата викендичка и за превоз на вино. Со таа цел, тој купи специјална приколка за својата „Нива“ со три врати и ја објави фотографијата на  „Инстаграм“. „Сега руските возачи на „Нива“ можат да кажат за себе дека се шумахери“, се шегуваат следбениците во коментарите. Тие го одобруваат неговиот избор: „Брат, имаш смисла за автомобили“. „Колата е топ! Честитам!”

Вакви фургони за превоз на вино Шумахер исфрла на пазарот под сопствениот бренд Schumacher Wines. Вината можат да се дегустираат во неговиот ресторан во Германија.

Во Русија Lada 4x4 има бензински мотор со запремнина од 1,7 литри од 83 коњски сили, како и механички менувач со пет брзини, погон на сите четири тркала, разводна кутија и блокада на средниот диференцијал. Теренците се произведуваат во верзии со 3 и 5 врати.

 

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија
Дознајте повеќе

Овој веб-сајт користи колачиња. Кликнете овде за да дознаете повеќе.

Прифати колачиња