Во Русија пронајдени заби на ајкула стари 300 милиони години

Асоцијациja на пловечки универзитети
Во рускиот Палеонтолошки институт „Орлов” пристигна фрагмент од заб на предок праисториска ајкула од фамилијата Helicoprionidae. Староста на наодот е околу 300 милиони години.

Овој уникатен наод беше пронајден летово од експедиција на „Флотилата на пловечки универзитети“ во рудникот за варовник на границата на Саратовската и Волгоградската област кај селото Нижна Бановка, пренесува весникот „Росијскаја газета“. Наодот ги помина прелиминарните испитувања, а дури потоа беше испратен во Москва на лабораториска анализа.

„Веднаш знаевме дека пронајдовме нешто интересно. Целата камена маса, без да ја кршиме, ја ставивме во кутија и ја однесовме во базата, а потоа организиравме уште едно одење за да го извадиме од карпата продолжението на спиралата. За тоа моравме да користиме пневматски чекан и брусилка“, рече раководителот на експедицијата Алексеј Иванов.

Како што соопшти прес-службата на Палеонтолошкиот институт, забната спирала на хеликоприонид е една од најзагадочните фосили од доцниот палеозоик. Таа претставува серија заби-острици кои имаат заедничка спирална основа.

„Пречникот на спиралата кај типскиот род на оваа фамилија беше 25 сантиметри. Тоа значи дека должината на рибата била околу 2-3 метри“, велат стручњаците.

Прочитајте повеќе: Волк или пес: Извонредно зачуваното младо старо 18 илјади години и понатаму ги буни научниците (ФОТО)

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња