Таткото и тренер на шампионот на УФЦ: „Хабиб има уште две-три борби и тоа е тоа“

31 октомври 2019

RUSSIA BEYOND - МАКЕДОНИЈА

Абдулманап и Хабиб Нурмагомедови

Комсомольская Правда/Global Look Press

Амбулманап Нурмагомедов откри кога неговиот сѐ уште непоразен во октагонот син Хабиб ќе ја заврши спортската кариера и кој е можниот наследник на „дагестанскиот орел“ на тронот на УФЦ.

Абдулманап Нурмагомедов, таткото и тренер на Хабиб, ги откри плановите на шампионот во УФЦ во лесна категорија. Следниот ривал на „Дагестанскиот орел“ сигурно ќе биде Тони Фергусон, и таа борба, според мислењето на Абдулманап, ќе стане најдобрата во историјата на УФЦ. А по тој спектакл, се ближи и крајот на кариерата на Хабиб, вели таткото.

„Нивото е сега на поинакво: созреаја нови момци, се појавуваат млади борци. Конкуренцијата е голема. А ние имаме свои амбиции. Уште две-три борби и Хабиб ќе мора да се повлече“, рече Амбулманап Нурмагомедов во интервју за YouTube-каналот FIGHT NIGHTS GLOBAL TV.

Во октагонот на УФЦ „дагестанскиот орел“ Хабиб Нурмагомедов има остварено 28 победи и досега е непобеден. А Абдулманап Нурмагомедов смета дека местото на Хабиб на тронот во лесна категорија може да го заземе друг борец од неговото училиште - 28-годишниот Ислам Махачев.

Прочитајте повеќе: Каде живее првакот на УФЦ Хабиб Нурмагомедов? (ФОТО)

При користење на материјалите на Russia Beyond задолжителен е хиперлинк до изворот од кој е преземен материјалот.

спорт боречки вештини