Најпознатиот руски бајкер Хирург го коментираше Путиновото возење на мотоцикл

Reuters
Главниот човек на рускиот мотоклуб „Ноќни волци“ Александар Залдостанов, познат по прекарот Хирург, високо ја оцени вештината на Владимир Путин во возење мотор.

„Има оган, храброст и младост во претседателот на Русија. Тоа е мојот впечаток. На пример, за да возите мотоцикл по нагорнина, и тоа возејќи двајца патници, од кои секој е двојно потежок од возачот, морате мајсторски да владеете со возилото. Тоа не е едноставно ни за човек со големо искуство. Изгледа како претседателот секој ден да оди во Кремљ со мотор. Нашиот претседател без проблем се снаоѓа и на мотоцикл и во камион “, изјави Хирург за РИА „Новости”.

Тој истакна дека доаѓањето на Путин на бајкерското шоу било неочекувано.

„До последниот ден никој не веруваше во тоа. Иако, се разбира, доаѓањето на претседателот беше логично нешто. „Ноќните волци“ полнат 30 години, поминаа пет години од „Руската пролет“, а десет години од судбоносниот бајкерски настана во Севастопол. Сето тоа не можеше да помине незабележано“, додаде Залдостанов. 

Минатата недела Путин го посети меѓународното бајкерско шоу во Севастопол во организација на „Ноќните волци“. Тој пристигна таму возејќи мотоцикл „Урал“ со приколка во друштво на претседателот на Крим Сергеј Аксонов и вршителот на должноста губернатор на Севастопол Михаил Развожаев. Минатиот мај, зад воланот на камион „Камаз“, Путин ја предводеше колоната од околу десет камиони кои први го преминаа мостот над Керченскиот теснецот. По возењето, шефот на руската држава изјави дека изградбата на мостот е изведена квалитетно и во рокот.

Погледнете повеќе: Путин на бајк-шоуто на „Ноќните волци“ во Севастопол пристигна со мотоцикл „Урал“ (ВИДЕО)

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња