Детален извештај на ФСБ: Што сѐ од вооружување и муниција е заробено на украинските бродови?

Слободан Ѓукиќ
На еден од оклопните чамци е пронајден и документ кој сведочи дека акцијата на украинските бродови била испланирана со главна задача од градот Одеса до градот Бердјанск да се движат во тнр. „прикриен поредок“, со посебен фокус „на обезбедување на услови за прикриен пристап до Керченскиот теснец и минување низ него“.

На 25.11.2018. година во 07.10 ч. и покрај издаденото предупредување за затворање на реонот на територијалните води на Руската Федерација низ преминот во Керченскиот теснец, од акваторијата на Црното море пристигна група бродови од составот на украинската воена морнарица (арт. окл. чамец „Бердјанск“, арт. окл. чамец „Никопол“ и тегначот „Јани Капу“). Оваа група бродови на географските координати Ш=44° 52', 7 СШ, Д=36° 33', 3 ја повреди државната граница на Руската Федерација надвор од назначените патишта за пловидба и влезе во подрачјето кое е привремено затворено за пловидба, со што се прекршени Конвенцијата на ОН од 1982 година, Законот на Руската Федерација донесен на 1 април 1993 година под реден број № 4730-I „За Државната граница на Руската Федерација“, Федералниот закон од 31 јули 1998 година под реден број № 155-ФЗ „За внатрешните морски води, територијалното море и пристапната зона на Руската Федерација“.

По нарушувањето на државната граница на Руската Федерација, бродовите на украинската воена морнарица продолжија со своето движење низ Керченскиот канал каде ја прекршија процедурата што ја донесе Министерството за сообраќај на Руската Федерација од 21 октомври 2015 година, реден број № 313.

При спроведувањето на бродовите на украинската воена морнарица, повеќе пати преку радио-комуникација им е пренесено дека со своето движење грубо ја прекршиле Конвенцијата на ОН за поморско право од 1982 година и дека согласно тоа веднаш да ги напуштат територијалните води на Руската Федерација.

На овие предупредувачки пораки, бродовите на украинската воена морнарица реагираа така што со своите екипажи преминаа во состојба на борбена готовност: ги симнаа цирадите од своите топови, ги поставија нивните цевки под агол од 45 степени и ги насочија кон бродовите и чамците на Руската Федерација кои ги следеа. На овој начин украинските бродови дополнително го прекршија членот 18 на Конвенцијата на ОН за поморско право и Федералниот закон на Руската Федерација донесен 1998 година „За внатрешните морски води, територијалното море и пристапната зона на Руската Федерација“. За сето тоа украинските бродови уште еднаш уредно се известени преку радиоврска, по што согласно нормите на меѓународното поморско право и законите на Руската Федерација е изведена акција која ги неутрализираше противниците.

Што сѐ е заробено од вооружување

Притоа на заробените бродови на украинската воена морнарица е пронајдено следново вооружување и муниција:

  1. Автоматски топови со кал. 30 мм / парчиња 4
  2. Автоматски фрлач на гранати АГС-17 кал. 30 мм/ парчиња 4
  3. Тежок митралез ДШК со калибар 12,7 мм / парчиња 2
  4. Митралези ПКТ со калибар 7,62 мм / парчиња 4
  5. Автоматски пушки АК-74 со кал. 5,45 мм / парчиња 13
  6. Пиштол ПМ со кал. 9 мм / парчиња 4
  7. Травматски пиштол со кал. 9 мм /парчиња 1
  8. Сигнален пиштол ПС / парчиња 1
  9. Распрскувачко-разорни гранати со калибар 30 мм / парчиња 765
  10. Гранати за фрлач на гранати ВОГ-17 / парчиња 1975
  11. Гранати за фрлач на гранати ВОГ / парчиња 495
  12. Рачни гранати РГД-5 /парчиња 40
  13. Рачни гранати РГ-42 / парчиња 48
  14. Рачни гранати РГД/ парчиња 20
  15. Запалка за рачна граната УЗРГМ-2 / парчиња 30
  16. Запалка за рачна граната РГ-42 / парчиња 38
  17. Сигнален патрон/ракета со кал. 30 мм/ парчиња 87
  18. Муниција со кал. 7,62 мм /парчиња 9865
  19. Муниција со кал. 5,45 мм /парчиња 11736
  20. Муниција со кал. 9 мм /парчиња1189
  21. Муниција со кал. 12,7 мм /парчиња 612
  22. Нож за пушка (бајонет) /парчиња 15
  23. Рамки за пушка АК-74 /парчиња 42
  24. Мунициски кутии за ПКТ / парчиња 4

Напомена: На секој од оклопните артилериски чамци се наоѓаше комплет кој се состоеше од еден топ со кал. 30 мм, еден автоматски фрлач на гранати АГС-17 и два митралези со кал. 7,62 мм.

При инспекцијата на заробените украински воени бродови, на оклопниот артилериски чамец „Никопол“ е пронајден документ во вид на наредба со наслов: „Контролна листа на готовност на артилерискиот оклопен чамец „Никопол“ за излегување на море во периодот од 09 ч. на 23.11.2013. до 18 ч. на 25.11.2018“ во која на група бродови ѝ е доделена задача од градот Одеса до градот Бердјанск да се движат во тнр. „прикриен поредок“, со посебен фокус „на обезбедување на услови за прикриен пристап до Керченскиот теснец и минување низ него“.

Покрај тоа, на истиот чамец е пронајден рачно напишано резиме на правила донесени од страна на Руската Федерација, а се однесуваат на пловидба низ Керченскиот теснец, од што произлегува непобитниот факт дека украинските морнари совршено знаеле каде одат и каква процедура морале да испочитуваат.

Погледнете го видеото од инцидентот во Керченскиот теснец 

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија
Дознајте повеќе

Овој веб-сајт користи колачиња. Кликнете овде за да дознаете повеќе.

Прифати колачиња