Хабиб казнет со 250000 долари, Конор се извини?

twitter.com/ ufcnews/Global Look Press

Првиот човек на UFC Дејна Вајт го откри износот на паричната казна за Хабиб Нурмагомедов поради нередите по борбата со Конор Мекгрегор.

„Мислам дека казната ќе изнесува 250000 долари“, ја пренесуваат медиумите изјавата на Вајт. Хонорарот за „борбата на векот“ во Лас Вегас во износ од 2 милиони долари дагестанскиот борец и шампион на UFC во лесна категорија Нурмагомедов сѐ уште не ја добил, но го задржа шампионскиот појас кој им го покажа денеска на своите навивачи во Махачкала.   

На стадионот на фудбалскиот клуб „Анжи“ дојдоа повеќе од 20000 навивачи, а Хабиб се појави на теренот во придружба на татко си Абдулманап, членовите на својот тим и претставници на регионалните власти.

„Го молев Бога секој ден за едно – да ме остават сам во кафезот со тој кловн. Го барав тоа од него секој ден. Многу беше кажано надвор од кафезот, а јас повторував дека кога вратите на октагонот ќе се затворат, не одговарам за своите постапки. Во врска со она што се случи подоцна, некои велат дека сум згрешил, некои дека сум го сторил вистинското нешто. Орелот не можете да го задржите во кафез“, рече шампионот на UFC.

Инаку некои медиуми пренесуваат дека уплашениот Мекгрегор му се извинувал на Хабиб во текот на борбата. На крајот на една рунда тој наводно рекол „ова е само бизнис“, односно „it's only business“.

Но на снимката подолу тие зборови звучат повеќе како „немој да нѐ  (ме) бакнуваш“ - „don't kiss us“.

Во секој случај, Абдулманап, таткото на Хабиб, изјави дека му ги проштева на Конор сите навреди кои тој му ги упати нему и на неговиот син. „Сето тоа остана во минатото“, напиша Абдулманап на „Инстаграм“. 

Прочитајте повеќе: Борба и тепачка по борбата: Како Хабиб Нурмагомедов го победи Конор Макгрегор

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија
Дознајте повеќе

Овој веб-сајт користи колачиња. Кликнете овде за да дознаете повеќе.

Прифати колачиња