„Со високо кренати глави“: Фудбалерите на Русија реагираат по херојството на Светското првенство

Репрезентацијата на Русија на 7 јули ја направи горда целата нација во четвртфиналето на Светското првенство – но Хрватската победи на пенали. Беше трогателно да се гледа домаќинот несреќен по херојската борба.

Да се каже дека играчите беа разочарани би било премалку. На пример, напаѓачот Артјом Ѕјуба не можеше да си ги задржи солзите во интервјуто по натпреварот. Но, и покрај изливот на емоции на играчите и на селекторот Станислав Черчесов, тие се држеа со достоинство.

Демобилизирани војници

„Сега се чувствуваме како војници по демобилизација. Но ќе бевме среќни доколку да продолжиме да служиме до 15 јули (денот на финалето), знаете“, се пошегува Черчесов на прес-конференцијата. Тој продолжи: „Начинот на кој Русија играше во текот на Светското првенство ги прави фудбалерите, навивачите и целата нација горди“.

„Пријатели! Го напуштаме турнирот со солзи во очите но со кренати глави. Ви благодариме што верувавте во нас, ви благодариме за сѐ. Вие сте најдобрите навивачи на светот“, пишува на @TeamRussia (официјалниот профил на „Твитер“ на репрезентацијата на Русија).

Повреди и збогувања

На профилот на „Твитер“ исто така е објавена фотографија со ногата на Илја Кутепив, целата со модринки – одбранбениот играч играше со повреда на зглобот во најголемиот дел од натпреварот. „Ова уште еднаш докажува дека тимот правеше сѐ што можеше и дури и повеќе“.

Кутлепов напиша на „Инстаграм“: „Исполнет сум со гордост за момците кои го изодеа патот рамо до рамо сѐ до крај! Горд сум на менаџерите, административниот персонал, лекарите – на сите! Ти благодарам земјо и ви благодарам навивачи за вашата поддршка! Можеме да направиме многу кога сме заедно!“.

Одбранбениот играч на Русија Сергеј Игнашевич (најстариот играч што остана на турнирот, 38 години) ја играше секоја минута од натпреварите на Русија откако доцна беше повикан во репрезентацијата. Тој реши да се повлече од фудбалот по елиминацијата на неговата репрезентација: „Тоа беше последниот меч за мене. Среќен сум што завршувам со добри спомени“, изјави тој.

Обединетост и гордост

Фер е да се каже дека дури и рускиот национален тим никогаш не очекуваше да стигне толку далеку, ниту пак навивачите навистина веруваа дека е можно да стигнат до четврт-финалето. Но сега, по победата над Шпанија и борбата до крај со Хрватска, перцепцијата за тимот е поинаква.

„Нашата репрезентација беше прекрасна во текот на ова Светско првенство“, вели тренерот Јуриј Семин. „Мислам дека по ова Светско првенство луѓето ќе престанат да го критикуваат тимот, како што се случи пред еден месец, а фудбалот ќе биде поддржан во нашата земја“.

Александар Головин, прогласен за трета по големина ѕвезда што доаѓа, за списанието FourFourTwo го сумираше напредокот на руската репрезентација како мошне добар: „Апсолутно сите ние дадовме сѐ што можевме за да ги постигнеме нашите цели. Тоа е главното нешто, затоа сме горди на нашиот тим“.

Прочитајте повеќе: „Разочарана сум, но беше прекрасно!“ – Како реагираа руските фанови на мечот со Хрватска

При користење на материјалите на Russia Beyond задолжителен е хиперлинк до изворот од кој е преземен материјалот.