Службата за обезбедување објаснува зошто Путин не бил врзан додека возеше преку Кримскиот мост

Reuters
Оние кои неделава го гледаа големото отворање на Кримскиот мост можеа да забележат дека претседателот на РФ Владимир Путин не го врза сигурносниот појас додека го возеше камионот. Според руските сообраќајни прописи, неврзан сигурносен појас во текот на возењето повлекува казна до 1000 рубли (13,5 евра).

Ако го гледавте големото отворање на Кримскиот мост на 15 мај, веројатно забележавте дека претседателот на РФ Владимир Путин не го врза сигурносниот појас додека возеше камион преку мостот долг 19 километри. Овој прекршок реално се казнува со 1000 рубли (13,5 евра).

Федералната служба за обезбедување на Русија (која се занимава со прашањата на безбедноста на претседателот) објасни дека Путин го возел камионот КамАЗ преку мостот пред мостот официјално да биде пуштен во сообраќај.

„Мост е официјално пуштен во сообраќај на 16 мај во 05:30 часот. Додека на 15 мај претседателот учествуваше во свечениот настан: во церемонијата на отворање на Кримскиот мост. Мостот во тој момент сѐ уште не беше сообраќајница, туку градилиште. Сообраќајот на такво градилиште не подлежи на сообраќајните прописи“, објасни официјално лице од Федералната служба за обезбедување за Газета.ру.

Претходно рускиот пратеник Олег Хомутиников испрати официјално барање до Генералното обвинителство на Русија барајќи да се провери дали Путин прекршил некои закони, објавија локалните медиуми.

Портпаролот на рускиот претседател Дмитриј Песков претходно изјави за медиумите дека Путин пред 20 години положил возачки испит за Ц категорија, што му дозволува да вози камион.

На 15 мај претседателот на Русија Владимир Путин го отвори Кримскиот мост долг 19 километри. Изградбата на мостот траеше две години.

Прочитајте повеќе: Кримскиот мост се појави на Google Maps

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија
Дознајте повеќе