Видео: Тринаесетгодишна Русинка првпат во историјата на женското лизгање скокна четирикратен луц

Александра Трусова

Александра Трусова

Yusuke Nakanishi/AFLO/Global Look Press
Руската лизгачка Александра Трусова не престанува да го шокира мошне конзервативниот свет на уметничкото лизгање изведувајќи досега невидени елементи. Овојпат младата штитеничка од групата на тренерот Етери Тутбериѕе прва во светот изведе на тренинг четирикратен луц.

Во историјата на женското уметничко лизгање имено никогаш досега не е забележано некоја дама да скокне четирикратен луц.

Луцот е, по акселот, втор по сложеност скок во уметничкото лизгање, а името го добил во чест на австрискиот лизгач Алојз Луц кој првпат го изведе далечната 1913 година.

Снимката на која се гледа како Александра успешно го изведува четирикратниот луц ја објави на својот профил на социјалната мрежа „Инстаграм“ Сергеј Розанов, тренер на познатиот клуб „Самбо-70“.

Претходно, на светското првенство за јуниори Трусова како прва лизгачка во историјата изведе два четирикратни скока во слободната програма – четирикратен тулуп и четирикратен салхов.

За техничката компонента на настапот таа доби рекордни 92,32 поени. 

Талентираната руска спортистка оваа сезона победи на светското првенство за јуниори и финалето на јуниорското Гран при.

Првата и единствена лизгачка која пред Трусова успеа да изведе чист четирикратен скок на натпреварување беше Јапонката Мики Андо. Во финалето на јуниорското Гран при за сезоната 2002/2003 таа скокна четирикратен салхов.

Со текот на годините и зголемувањето на телесната тежина на лизгачките им е сѐ потешко да изведуваат комплицирани скокови, така што рекордите се постигнуваат во раната младост.

Прочитајте повеќе: Тринаесетгодишна Русинка прва лизгачка која изведе два четирикратни скока!

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија
Дознајте повеќе

Овој веб-сајт користи колачиња. Кликнете овде за да дознаете повеќе.

Прифати колачиња