На младите пронаоѓачи понудени 1 милиони рубли за борба против мразулците во Санкт Петербург

Алексеј Даничев/Sputnik
Валентина Матвиенко: Ласери или врела пареа? Мавтањето со палки е камено доба!

За добар предлог како полесно да се отстранат мразулците од покривите, властите на Санкт Петербург се подготвени да платат 1 милион рубли (14300 евра).  

Фондот за поддршка и развој на програми за млади „Продвижение“ објави конкурс за иновативни начини за отстранување на мразулците и снегот од покривите на зградите.

Како што изјави претседателот на фондот Андреј Заикин, денес не постои совршен систем за отстранување на мразулци и снег.

„Постојниот систем на чистење на покривите од снег и мраз е застарен и нови решенија на тоа прашање едноставно нема“, вели тој.

На конкурсот можат да се пријават научници, инженери и претприемачи до 35 годишна возраст.

Најкреативната идеја во 2010 година ја имаше поранешниот губернатор на Санкт Петербург а сега претседателка на Советот на Федерацијата Валентина Матвиенко. Таа предложи мразулците да се отстрануваат со ласери. А да се удира со палки по нив е камено доба, рече таа. Матвиенко имаше уште една оригинална идеја: да се топат снегот и мразот на покривите со врела пареа.

На почетокот на февруари поради пад на мразулец загина, за жал, уште едно лице.  

Прочитајте повеќе: Руската полиција формираше „специјална единица за мраз”

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија
Дознајте повеќе

Овој веб-сајт користи колачиња. Кликнете овде за да дознаете повеќе.

Прифати колачиња