Не пропуштајте!
Придружете се на Russia Beyond на Телеграм за повеќе есклузивни содржини
На 18 јануари 2018 година неколку полицајци во Петерхоф (општина во Санкт Петербург) пребаруваа голема зграда, кога зачуја вресок. Еден од нивните колеги влезе во подрумот: „Тоа е крокодил!“
Запрепастени, полицајците се симнаа по скалилата и навистина видоа крокодил, жив и здрав. Се шеташе по подот кој изгледаше како да е некаков вид на када. Еден од полицајците го фати животното пред да го пријави инцидентот во станица.
Според локалниот весник „Фонтанка”, полицаецот веднаш го прашал сопственикот на куќата: „Што е ова?“ (веројатно додавајќи некои изрази кои овде не можеме да ги цитираме). Сопственикот Павел Бараненко, кој инаку се занимава со историски реконструкции, одговори смирено: „Ова е нилски крокодил“.
Се покажа дека Бараненко го чувал крокодилот како милениче веќе 10 години (иако е нејасно каде го набавил), го чувал во подрумот и го хранел со глувци. Јасно е дека тоа е забрането. Замислете си крокодилот да избегал, да исплашил или нападнал некого. Покрупен човек веројатно би му изгледал мошне примамливо по едноличната исхрана со глувци.
Тоа не е единствениот проблем со кој се соочи Бараненко. Полицијата кај него пронајде и илегално оружје, вклучувајќи бомби, муниција и други „играчки”. Изгледа дека наскоро ќе има можност да го реконструира бедниот живот на својот крокодил, заклучен во подрумот на руски затвор.
Се чини дека крокодилот не е единствено домашно милениче во Русија. Прочитајте ја нашата статија за Русинот кој живее со леопард и го води во прошетка на игралишта за деца
При користење на материјалите на Russia Beyond задолжителен е хиперлинк до изворот од кој е преземен материјалот.
Претплатете се
на нашиот билтен!
Добивајте ги најдобрите стории на неделата директно во вашето сандаче
