9 начини да се победи во традиционалната руска борба со тупаници

Историска реконструкција на руска тупаница во Измајлово, Москва.

Историска реконструкција на руска тупаница во Измајлово, Москва.

Legion Media
Оваа забава е уникатна - замислете два реда возрасни полуголи мажи кои се тепаат за забава. Овој вид вечни пресметки, познати како „руска борба со тупаници“, постојат уште од антиката и се олицетворение на фундаменталните боречки вредности на Русите: смелост, храброст и другарски дух.

Почекајте го празникот

Во Русија традиционалните борби со тупаници се одржуваат за време на големи празници, но најмногу околу Нова година или Масленица (неделата пред Великите пости) и пред почетокот на земјоделската сезона со симболично преминување од старото кон новото. 

Историчарите се согласуваат дека во нееврејскиот свет борбите на таквите фестивали се симбол на борбата меѓу старото и новото. Овие борби секогаш се случуваат во тимови, а индивидуалните престрелки се само загревање за големата битка. 

Знајте ги своите права

Руската православна црква отсекогаш била против тупаници, бидејќи тие се пагански. Државата официјално ги осудува овие прослави, но не ги забележува, бидејќи тие се важен чекор во подготовките на мажите за вистинското бојно поле. 

Во четириесеттите години од 18 век Црквата упатува молба до сенатот да ги забрани борбите со тупаници, но сенаторите категорично одбиваат, бидејќи тоа е една мажествена и здрава традиција, а евентуалната нејзина забрана би го налутила народот. Полицијата стоела и ги гледала масовните тепачки – и било невозможно е да се запрат и да се уапсат 500 мажи кои се борат меѓу себе. 

Собери тим 

Руска борба со тупаници - сцена од филмот „Сибирскиот бербер“ од Н. Михалков.

Првите битки се одвиваат на широки отворени места во зима - пример на замрзнатото езеро, а во потоплите месеци - на ливада. Најпопуларните и најспектакуларните масовни битки се помеѓу два големи тима: левата страна на селската улица против десната или едно село против друго. 

Во градовите, битките често се организираат помеѓу занаетчиски еснафи, месари против чевлари или работниците на една фабрика против работниците на друга. Во Русија во 19 век најдобри вештини во борбата со тупаници се предуслов за добра работа, бидејќи богатите трговци и сопственици на фабрики преферираат да вработуваат вешти борци. Освојувањето на конкурентната фабрика е прашање на чест.

Тактика 

Секој ред или „ѕид“ има лидер кој во предвечерието на битката ги собира момчињата за тактичка настава. Заедно со најискусните борци лидерот изработува стратегија на битката - на пример, кога ќе настапат крилните позиции и кога најсилните и повеќето големи борци, „надежи“ на тимот, ќе влезат во офанзива (тие се чуваат во резерва, се додека не настапи решавачкиот момент). Во текот на борбата, лидерите ги охрабруваат своите тимови да викаат и да спроведуваат тактики додека учествуваат во борбите. 

Спиј, јади и облечи се пригодно 

Борбата не бара посебна обука, а искуството се добива само во самата битка. Пред решавачкиот ден на судирот, мажите одат во бања, спијат добро и имаат добар оброк. Никогаш не излегуваат да се борат пијани – секој знае дека борбата е сериозна работа и може да биде смртоносна. За да ги избегнат ваквите инциденти, борците носат ракавици и капачиња што ги омекнуваат непријателските удари. 

Гледачите исто така се подготвуваат за големата борба – за гледање се собираат цели села, а исто така и продавачи на пиво и медовина. Селата и богатите трговци кои гледаат и прават облози доаѓаат од блиските градови и села. 

Дури и некои од благородниците сакаат да се борат. Грофот Фјодор Ростопчин, губернатор на Москва, кој тренирал англиски бокс и сакал да се бори. Кнезот Григориј Орлов, љубовник на Екатерина Велика, исто така, влегувал во битка. 

Започнете со стил 

Епизода од борба со тупаници (илустрација од 19 век).

Секоја битка започнува со фанфари - борците одат по главната улица до местото на борбата. Таму се делат и почнуваат да провоцираат со навреди и шеги. Понекогаш, за да се подигне духот, постои придружба од хармоника. Младите од двете страни почнуваат да се борат, а потоа и тинејџерите се вклучуваат. Вистинското шоу започнува кога возрасни женети мажи ги креваат ракавите (момчињата формираат посебна борба покрај нив).

Бидете искрени 

Борбите не се поврзани со лутина или победа на двете страни. Ако доведувале до смрт, тие не би биле толку популарни. За да се избегне трагедија, постојат правила:

1) Не напаѓајте лице што паднало на земја или што крвави многу;

2) Не напаѓајте гледачи или минувачи;

3) Не напаѓај никого од грб или од страна;

4) Не ставајте тешки предмети во вашите ракавици. Ако некој го прекрши ова правило, тој може да биде протеран од неговиот тим и да му биде забрането да се бори, што е ужасна стигма; учеството во првите борби е од витално значење за честа на селанецот;

5) Ваше оружје е вашата тупаница (не клоцај и не бори се со разни предмети);

6) Не поминувај во противничкиот тим за време на битката; понекогаш битките се прекинуваат вечерта и продолжуваат следниот ден; па мора да останете во вашиот тим. 

Направете си пауза 

Некои борби се доста долги, па борците имаат право да се одморат и да продолжат следниот ден. Обично борбата започнува во попладневните часови и продолжува со една или две паузи до темнина, а потоа - следниот ден. За време на паузите, противниците се собираат за да пијат, да се одморат, да дискутираат за битката и да се смеат заедно. Од витално значење е да се покаже дека борбата е здрава за мажите, а не сериозен и злонамерен конфликт.

Победи го непријателот и уживајте во славата  

Традиционална битка за време на празник во Суздаљ.

По неколку паузи станува јасно дека едната страна е посилна од другата страна. Ова е моментот кога противникот е истеран од теренот и се турка до периферијата на селото. Победата е постигната и сите се собираат да пијат и да јадат. Победниците уживаат во слава, восхитувајќи ги дамите и предизвикувајќи почит кај старите - се разбира, до следната битка.

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија
Дознајте повеќе

Овој веб-сајт користи колачиња. Кликнете овде за да дознаете повеќе.

Прифати колачиња