Москва ги надмина Берлин и Токио на листата со најскапи луксузни недвижнини

Московскиот пазар на луксузни недвижнини всушност стана подемократски во последната деценија.

Московскиот пазар на луксузни недвижнини всушност стана подемократски во последната деценија.

Getty Images
Подгответе се да издвоите 1 милион долари за стан од 81 метар квадратен во главниот град на Русија. Но, тоа е сѐ уште евтино во споредба со Њујорк.

Москва се најде на 13 место на листата на големи градови со најскап недвижен имот во луксузниот сектор. Независната глобална консултантска куќа за недвижнини Knight Frank LLP го измери бројот на квадратни метри на луксузен имот во продажба до 1 милион долари, а Москва заврши пред Берлин и Токио.

Со тие пари среќен сопственик во Москва може да купи станбен простор од 81 квадратен метар. Во Берлин, пак, со истиот износ добивате 84 метри квадратни, додека во Токио бројката изнесува 92 квадратни метри.

Њујорк е далеку понапред од Москва и Берлин. Во „Големото Јаболко“, со 1 милион долари можете да купите само 26 квадратни метри луксузен имот.

Иако резултатите би можеле да ви изгледаат неверојатно скапо, , московскиот пазар на луксузни недвижнини всушност стана подемократски последнава деценија. Пред десет години, со еден милион долари можеше да се купи само стан со големина од 54 квадратни метри, пишува дневниот деловен весник „Ведомости“.

Од „Најт Френк“ велат дека високите цени на луксузните апартмани во Москва се определени од фактори како што се локацијата на имотот во центарот на градот, големината на просторот за живеење достапен во станот и недостигот на нови станбени објекти.

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија
Дознајте повеќе

Овој веб-сајт користи колачиња. Кликнете овде за да дознаете повеќе.

Прифати колачиња