Што сакаше да ни подметне Холивуд како советски авиони и хеликоптери?

Во осумдесеттите години омилени негативци во американските филмови беа Русите. А кога американските филмаџии се обидуваа да ги вооружат тие Руси за да изгледаат пострашно, тие ги користеа следниве трикови...

Филм: Црвена зора (1984)

Што му требаше на Холивуд? Јаковлев Јак-38

Јак-38

Како нѐ измамија? 

За да можат гледачите да го видат првиот советски ВТОЛ (вертикално полетување и слетување) на ловец Јак-38, режисерот на филмот мораше да направи точна копија на авионот. Моделот е речиси во вистинската природна големина.

Филм: Топ ган (1986) 

Што му требаше на Холивуд? Либиски МиГ-ови

Либиски МиГ-25

Како нѐ измамија?

Во филмот Том Круз и неговите пријатели се соочуваат со застрашувачки авион МиГ-28 во близина на либискиот брег. Таканаречените советски МИГ-ови кои се појавуваат во филмот всушност беа американски Ф-5 обоени во црно за да изгледаат уште пострашно. Освен тоа, на продуцентите на филмот им избега еден мал детаљ: сите модели на МиГ секогаш носат непарен број, затоа што парните броеви се резервирани за бомбардерите и товарните авиони.

Филм: Рамбо II и Рамбо III 

Што бараше Холивуд? Ми-24

Ми-24

Како нѐ измамија?

Кога на американските филмаџии им требаше копија на хеликоптерот Ми-24, тие постапуваа на следниов начин: земаа француски хеликоптер Aérospatiale Puma и го вооружуваа со нешто што тој хеликоптер не може да го понесе. Така ги создаваа легендарните „летечки тенкови“ кои и денес се користат во Латинска Америка или Сирија. Патем кажано, во третиот дел Џон Рамбо сруши еден ваков  Ми-24 за доброто на авганистанските талибанци.

Филм: Железниот орел (1986)

Што му требаше на Холивуд? МиГ-23

Советски МиГ-23

Како нѐ измамија?

Детето што сонуваше да стане воен пилот одлучува да му помогне на својот татко кој е соборен во лет над фиктивна блискоисточна држава. Со помош на пријателите на својот татко момчето грабнува два Ф-16 и лета да му помогне на родителот.

Меѓутоа, кон крајот на 1980-те американското Воено воздухопловство одби да помага во снимање на филм во кој се грабнуваат авиони. Така во „Железниот орел“ се појавуваат израелски Ф-16 и IAI Kfir како МиГ-23.

Филм: Црвената скорпија (1988)

Што му недостигаше на Холивуд? Ми-24

Ми-24П

Како нѐ измамија?

Продуцентите на овој филм го направија истото како и колегите на снимањето на „Рамбо“, единствено што му додадоа ракетни лансери на американски хеликоптер „Сикорски“ С-62.

Кадар од филмот „Црвената скорпија“

Филм: Ѕвер на војната (1988) 

На Холивуд му недостигаше еден хеликоптер Ми-8 или Ми-6.

Mи-17, верзија за извоз на хеликоптерот Ми-8

Како нѐ измамија?

Во филмот се раскажува за згодите и незгодите на еден екипаж на советски тенк Т-55 во Авганистан. Снимани се израелски тенкови Ти-67 (кои всушност беа модифицирани советски Т-55).

Меѓутоа, кога им требаше хеликоптер Ми-6 или Ми-8, филмаџиите го решија овој проблем едноставно: зедоа француски Aerospatiale SA321K 'Super Frelon' и го префарбаа. Не заборавија да го украсат со црвена петокрака.

Кадар од филмот „Ѕвер на војната“

При користење на материјалите на Russia Beyond задолжителен е хиперлинк до изворот од кој е преземен материјалот.

Дознајте повеќе