Во продажба рачни часовници напрскани со вистинска крв на Романови

Raketa
По повод стогодишнината од Октомвриската револуција брендот „Ракета“ изработи серија рачни часовници напрскани со крвта на потомокот на руската царска династија – принцот Ростислав Романов.

„Не смееме да дозволиме да ги заборавиме милионите жртви на рускиот народ, кои и да биле: бели, црвени, работници, свештеници, селани или членови на царското семејство Романов, царот и мојот пра-прадедо Николај II“, вели Ростислав Романов во видео обраќањето. 

Негова должност е, смета тој, да ги потсети луѓето дека Октомвриската револуција била ужасна трагедија која предизвикала страдање и смрт на многу луѓе од сите сталежи на Русија.

„Затоа решивме да изработиме серија црни рачни часовници напрскани со мојата крв, како симбол на крвопролевањето што го предизвика револуцијата“, вели Романов.

Тој истовремено истакнува дека пораснал во странство и моли да му се прости поради неговиот многу лош изговор.

Ростислав Романов

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија
Дознајте повеќе

Овој веб-сајт користи колачиња. Кликнете овде за да дознаете повеќе.

Прифати колачиња