Како да подготвите боршч во пирошка? (РЕЦЕПТ)

• Ве очекуваме на Телеграм-каналот https://t.me/rb_makedonija
• Вклучете го во пребарувачот „Show notifications“ (дозволи известувања) за нашиот сајт!
• Пријавете се на нашата неделна мејлинг листа

„Идејата да подготвуваме боршч во пирошка дојде од желбата да се преиспита концептот на домашна храна. Тоа е нешто што ни е познато и што го сакаме уште од детството“, изјави Анатолиј Бордијан за порталот Russia Beyond.

Кафулето „Боршч“ во Санкт Петербург

Прес служба

Сега, на пример, боршчот е достапен во формат „за носење“. Можете да го носите на работа, на училиште, па дури и да го јадете во автомобил. Тоа е многу практично“.

Кафулето „Боршч“ во Москва

Прес служба

Во менито на синџирот кафулиња „Боршч“ (две веќе се отворени во Санкт Петербург и едно во Москва), класичната чорба од боршч е претворена во крцкава пирошка.

Боршч во пирошка

Прес служба

Истото е направено и со чорбите шчи и сољанка.

Шчи и сољанка во пирошка

Прес служба

Чинијата и лажицата сега се минато бидејќи густата чорба се служи внатре во пирошката, а „нектарот“ т.е. процедениот булјон од боршчот се служи посебно во чаша.

Доколку сакате да ги пробате овие пирошки со омилената чорба, а немате можност тоа да го направите во кафуле, ви нудиме краток водич за нивна подготовка во домашни услови.

Боршч во пирошка

1. Сварете густ боршч со месо и зеленчук.
2. Процедете го низ цедалка.
3. Лиснатото тесто расукајте го и исечете го на правоаголници со димензии 5х10 цм.
4. На средината на тестото ставете лажица од густото од цедалката, покријте го со друго парче тесто и со штипкање убаво составете ги краевите.
5. Испржете ги пирошките во длабоко масло.
6. Со пирошката со фил послужете булјон од боршчот во чаша.

При користење на материјалите на Russia Beyond задолжителен е хиперлинк до изворот од кој е преземен материјалот.