Не пропуштајте!
Придружете се на Russia Beyond на Телеграм за повеќе есклузивни содржини
Оваа карелиска пита постои со векови. Карелија, сместена на северозападот на Русија, има богата кулинарска традиција на која влијае нејзината локација на границата меѓу Русија и Финска. Питите првично се правеле со солен фил од ориз, компири или печурки и биле основната храна на локалното население.
Меѓутоа, слатката верзија на карелиските пити, позната како „пита за зетот“, е релативно нов додаток на кујната. Легендата вели дека во XVIII век една мајка на невеста сакала да го импресионира идното семејство на нејзината ќерка со своите готвачки вештини. Направила слатки пити полнети со шеќер и веднаш станале познати. Семејството на мажот толку многу ги засакало питите што почнале да ги нарекуваат „пити за зетот“.
Сепак, „питите за зетот“ не се само симбол на семејната љубов. Тие се користеле и за други цели, како што е прославата на завршувањето на изградбата на куќата или крајот на жетварската сезона. Во овие случаи, питите се печеле во големи количини и се служеле на работниците кои помагале во изградбата или жетвата.
Рецептот за овие пити е прилично едноставен. Тестото обично се прави од 'ржано брашно, но можете да користите и пченично брашно. Филот обично се прави со шеќер, но некои варијации вклучуваат и ориз, млеко, путер, шеќер и суво грозје. Питите може да се сервираат топли или ладни и често со шолја топол чај.
Правењето „пити за зетот“ може да биде долготраен процес и бара трпение и вештина. Тестото се расукува тенко и потоа се сече на кругови. На половина од кругот со лажица се става филот, а потоа другата половина се преклопува за да се добие форма на полумесечина. Рабовите потоа се превиткуваат за да се затвори питата. На крај, питите се печат во рерна додека не добијат златно кафена боја. Има и варијанта да се пржат во тиган. Ајде денес да ги подготвиме заедно.
1. Подгответе бесквасно тесто. Јајцето изматете го со жица за матење.
2. Потоа додајте павлака, млеко, 1 лажица шеќер, прстофат сол и стопен путер.
3. Постепено додавајте брашно, месејќи го мекото тесто додека не почне да ви паѓа од рацете (во рок од 3-5 минути).
4. Оставете да отстои 10-15 минути под крпа/пешкир.
5. Тестото расукајте го како колбас и исечете го на еднакви парчиња. Би требало да добиете 18-20 парчиња.
6. Расукајте тенки кругови, посипете ги со брашно да не се лепат.
7. Половина од секој круг посипете го со шеќер, преклопете на половина.
8. Стиснете ги рабовите со виљушка.
9. Пржете ги питите во добро загреана тава, од двете страни подмачкани со растително масло.
10. „Питите за зетот“ можете да ги послужите со лажичка павлака или џем од боровинки, кој го надополнува слаткиот и благо лутиот вкус на питите. Уживајте!
При користење на материјалите на Russia Beyond задолжителен е хиперлинк до изворот од кој е преземен материјалот.
Претплатете се
на нашиот билтен!
Добивајте ги најдобрите стории на неделата директно во вашето сандаче