3 рецепти со смокви од руски готвачи

• Ве очекуваме на Телеграм-каналот https://t.me/rb_makedonija
• Вклучете го во пребарувачот „Show notifications“ (дозволи известувања) за нашиот сајт!
• Пријавете се на нашата неделна мејлинг листа

1. Салата со запечено цвекло, смокви и сирење

Евгениј Михајлов, ресторан Drinks@Dinners

Press photo

Цвекло, зелена салата, солено сирење, свежа смоква и кисело-сладок прелив - ова се состојките кои гарантираат успех. Дознајте повеќе во рецептот.

Состојки (за 1 порција):  

Цвекло - 50 g

Смоква - 80 g

Фета сирење - 50 g

Зелена салата за украсување (кадрава салата, спанаќ, рукола, микрозеленило) – по вкус

Прелив:

Маслиново масло - 50 g

Жолчка - 5 g

Сенф - 1 g

Лимонов сок - 20 g

Мед - 5 g

Свеж естрагон - 2 g

Ворчестер сос - 1 g

Сол, бибер - по вкус 

Евгениј Михајлов, ресторан Drinks@Dinners

Press photo

Начин на подготовка:  

Цвекло со средна големина измијте го и завиткајте го во алуминиумска фолија без да го излупите. Ставете го во рерна 40 минути на 180º C.

Печеното цвекло излупете го, исечете го на парчиња заедно со смоквата.

Исечете го фета сирењето на коцки.

За преливот измешајте ги состојките и зачинете ја салатата.

Украсете со зелена салата и друго зеленило.

2. Волован со смоква и рјаженка

Валериј Чигарнов, ресторан Л.Е.С.

Press photo

Воловани од лиснато тесто може да се послужат на вечерна забава, како и на семејни собири со чај. Ви предлагаме да пробате да ги направите со необичен фил од кремаста рјаженка (руски ферментиран млечен напиток) во комбинација со смокви и ореви.

Состојки (за 1 порција):  

Лиснато тесто - 1 лист

Брашно – 3 лажици

Џем од смокви - 30 g

Смоква - 1 пар.

Рјаженка – 50 ml  

Ореви - 5 g

Јајце – 1 пар.

Лаванда, малина во прав - 5 g (по желба)  

Валериј Чигарнов, ресторан Л.Е.С.

Press photo

Начин на подготовка:

Земете готови воловани од лиснато тесто или подгответе ги сами. Шефот ги подготвува волованите на следниов начин: лиснатото тесто се вади од пакувањето и се остава покриено со фолија додека не се одмрзне. Работната површина се посипува со брашно и со оклагија се развлекува слој лиснато тесто со дебелина од 3-4 mm. Од еден лист можете да добиете 7-10 воловани, во зависност од дијаметарот на чашата што ја користите за правење кругови и дебелината на тестото. Со помош на обична чаша извадете ја од тестото основата-дното на волованот. Ставете ја основата на хартија за печење. Врз основата на остатоците од тестото формирајте ѕидови. Премачкајте го волованот со изматено јајце. Ставете ја во рерна загреана на 180ºC 10-15 минути додека не зарумени. Извадете ги волованите од рерна и оставете ги да се изладат.

На дното на волованите ставете џем од смоква.

Рјаженката сама по себе има необичен сладок вкус, но можете да го направите уште поинтересен доколку, како нашиот шеф, во неа додадете и 5 g лаванда. Ставете ја рјаженката во сифон и направете пена. Ако ја немате таа можност, ставете ја оладената рјаженка со лажица преку џемот од смокви. Во тој случај користете рјаженка со висок процент на маснотии - околу 4%.

Украсете со кришки свежи смокви.

При сервирање посипете со мелени ореви. Шефот го сервира овој десерт и со малина во прав.

3. Смоква со цвекло

Артјом Естафјев, ресторан Artest

Press photo

Ова јадење е многу ефектно благодарение на наизменичното менување на светлите бои на парчињата цвекло и кожата на смоквата. За да постигне поголем контраст, шефот користи жолто цвекло, но доколку немате, слободно експериментирајте со обична цвекло со бордо боја.

Состојки (за една порција):  

Павлака 30%  - 10 g

Козјо сирење - 10 g

Жолто цвекло - 20 g

Смокви - 20 g

Морска сол - 0,5 g

Грашок - 10 g

Кавијар од штука - 5 g (по желба)  

Артјом Естафјев, ресторан Artest

Press photo

Начин на подготовка:  

Измешајте ги павлаката и козјото сирење додека не добиете кремаста маса.

Грашокот бланширајте го 2-3 минути во врела вода, а потоа префрлете го во ладна вода.

Цвеклото измијте го без да го излупите, посипете го со сол (шефот предлага да пробате Maldon или Fleur de sel) и печете на 160ºC 30-40 минути. Така ќе се ослободите од земјениот вкус и ќе ја избалансирате слаткоста на цвеклото. Изладете го цвеклото.

Измијте ја смоквата и пресечете ја по површината за да можете да ги вметнете парчињата цвекло во неа. Вметнете го цвеклото во смоквата така што смоквата наизменично да се менува со цвеклото.

Прескокнете го овој чекор ако немате sous vide апарат за бавно готвење во вакуум. Шефот ја служи смоквата на конфитирана жолчка од јајце. За да го направи ова, целото јајце го става во sous vide апарат на 62ºC 60 минути, по што ја одвојува жолчката од белката и ја меша со масло од лешник (3 g).

Сервирање: на тацна се става кремот од козјо сирење, одозгора се става смоквата со цвекло. Јадењето се украсува со бланширан грашок и кавијар од штука. Јадењето можете дополнително и да го посолите, да додадете крес и да го зачинете со растително масло. Шефот препорачува масло од лешник и естрагон.

При користење на материјалите на Russia Beyond задолжителен е хиперлинк до изворот од кој е преземен материјалот.