Американски тенк изваден од Баренцовото море доставен во паркот во подмосковскиот град Кубинка(ФОТО)

Министерство за одбрана на Русиjа
Комплетно реконструиран, во возна состојба, речиси со совршен изглед, тенкот „Шерман“ М4А2(76)W ја дополни колекцијата на паркот „Патриот“ во подмосковскиот град Кубинка. Тенкот, кој во Баренцовото море чмаеше повеќе од 70 години, го извадија на брегот нуркачите на руската Северна флота.

Американскиот брод „Томас Доналдсон“, кој се наоѓал во состав на конвојот JW-65 и врз основа на програмата ленд-лиз во Советскиот Сојуз превезувал оружје и воена техника, вклучувајќи и тенкови „Шерман“,  на 24 март 1945 година на влезот во Колскиот залив го потопила германската подморница U-995.

Тенковите кои се наоѓале на бродот се уникатни примероци на средниот тенк М4А2с со 76-милимитарски топ - М1М4А2(76) W што ги прави според борбените карактеристики слични на легендарните тенкови Т-34-85.

Првите тенкови од овој тип почнале да пристигаат во СССР во септември 1944 година и веднаш биле праќани на фронтот, пишува официјалниот портал на Министерството за одбрана на РФ.

Според податоците од САД, врз основа на програмата ленд-лиз (закон за заем и наем) во Советскиот Сојуз биле испорачани 1990 тенкови „Шерман“ со топ со калибар 75 мм и 2073 со топ со калибар 76 мм. Во мај 1945 година Црвената Армија добила и еден број тенкови со хоризонтална суспензија кои учествувале во уништувањето на Квантуншката армија.

Прочитајте повеќе: Како во Втората светска војна се покажаа западните тенкови испорачани во СССР по програмата Lend-Lease

 

 

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња