Петнаесет фасцинантни фотографии кои можеа да бидат снимени само во Советскиот Сојуз

Историја

27 мај 2020

Екатерина Синељшчикова

Медиа-холдинг «Каскад»

Да знаеја во Советскиот Сојуз за интернет мемиња, овие фотографии сигурно ќе станеа тоа.

1. Деца спијат надвор

Dmitry Baltermants/MAMM/MDF

Верувале или не, советските деца навистина спиеја надвор, дури и зиме. Во советските градинки тоа беше вообичаено, превентива против болести на респираторниот тракт и корисна навика.

2. Првиот маж и жена во вселената

Валериј Шустов/Sputnik

Космонаутот Јуриј Гагарин е воопшто првиот човек кој ја напуштил Земјата, а Валентина Терешкова прва меѓу жените. Само едно прашање. Зошто Гагарин ја држи Терешкова за уво?

3. Ленин на Јужниот пол

Stein Tronstad/Norwegian Polar Institute

Да носите тешка биста на својот мртов водач на крајот на светот, на едно од најнепристапните места, каде што тешко дека некој некогаш ќе ја види? Средено.

4. Тепих со големина од 9 илјади квадратни метри

Fishman/MAMM/MDF

Зошто во 1936 година на Црвениот плоштад во Москва е одмотана огромна труба и поставен тепих со големина од 9 илјади квадратни метри? Едноставно Сталин сакаше да гледа фудбал без да се симнува од трибината на Мавзолејот.

5. Советски ученици во гас-маски

Виктор Була/MAMM/MDF

Децата на училиште во редовната настава учеа како да се однесуваат во случај на хемиски или нуклеарен напад, како да држат оружје и да фрлаат бомби. За среќа, во пракса не можеа да ги развијат вештините, но сеедно, тоа изгледаше застрашувачки...

6. Жени во шубари во затворено

pikabu.ru

На доцните советски фотографии се забележува чудна појава, жените како по правило носат високи крзнени шубари и не ги симнуваат дури ни кога се во затворен простор. Таквата капа секогаш беше знак на престиж, нешто како најновиот „Ајфон“ денес. А со таа цел можеше без проблеми и да се препотувате сите осум часа на работа.

7. Советска жена изведува работи на пат

Archive photo

Родовата рамноправност токму така ја сфаќаа таму каде што се одлучуваше.

8. Модни трендови

Getty Images

Советската мода совршено точно го диктираше изгледот на жената, ја пропишуваше должината на фустаните и видот на цветни дезени. Всушност сите ги шиеја фустаните според ист дезен од истите списанија, а и изборот на материјал не беше голем.

9. Деца во иста облека

Анатолиј Кузјарин/TASS

Модните трендови не ги заобиколија ни децата. За нив беше предвиден кариран дезен.

10. Советски салони за убавина

Виктор Ахломов/MAMM/MDF

Индустријата за убавина доживуваше дотогаш невиден замав.

11. Скулптури правени од човечки тела

Валериј Зуфаров/TASS

Тоа беа првите Игри на добра волја (алтернатива на Олимписките игри) одржани во Москва 1986 година. Учесниците со своите тела правеа огромни скулптури.

12. Мечка на велосипед