Русија договори со Турција нови испораки на С-400

Русија се договори со Турција за нови испораки на противвоздушни системи С-400, пишува РИА „Новости”, повикувајќи се на изјавата на раководителот на секретаријатот за одбранбена индустрија на Турција Исмаил Демир.

„Склучивме принципиелен договор за испорака на вториот комплет С-400. Останаа техничките детали“, истакна претставникот на Анкара.

Тој исто така потврди дека Турција ќе ги стави во употреба противвоздушните системи и покрај одложувањето поради епидемијата на коронавирусот.

Првично беше најавено дека Турција ќе ги воведе во употреба системите С-400 во април или мај 2020 година.

При користење на материјалите на Russia Beyond задолжителен е хиперлинк до изворот од кој е преземен материјалот.