Русија ќе испорача во Африка оружје во вредност од 4 милијарди долари

Русија планира годинава да испорача во Африка вооружување во вредност од 4 милијарди долари, изјави за „РИА Новости“ на форумот „Русија-Африка“ генералниот директор на руската државна компанија за увоз и извоз на производи за воена намена „Рособоронекспорт“ Александар Михеев.

„Станува збор за техника за воено воздухопловство и ПВО, оклопна техника и тенкови, стрелечко оружје, противтенковски ракетни системи“, прецизираше тој.

Москва во моментов ги реализира договорите за испорака на вооружување во 20 африкански земји, меѓу кои се Уганда, Руанда, Мозамбик и Ангола, додаде соговорникот на агенцијата.

Притоа вкупната вредност на нарачките за оваа и следната година е 14 милијарди долари, рече директорот на Федералната служба за воено-техничка соработка Дмитриј Шугаев.

На форумот беше соопштено дека Русија и Нигер потпишале договор за испорака на 12 офанзивни хеликоптери Ми-35. Покрај тоа, Еритреја покажала интерес за руските ракетни чамци и хеликоптери.

Самитот и економски форум „Русија-Африка“ се одржува во Сочи на 23-24 октомври. Поканети се да присуствуваат шефовите на сите 54 држави од африканскиот континент. Копретседавачи на оваа манифестација Русија и Египет.

Прочитаjте повеќе: На руските „тигри“ им годи африканската клима

При користење на материјалите на Russia Beyond задолжителен е хиперлинк до изворот од кој е преземен материјалот.