Две третини од Русите сметаат дека има економска криза во земјата

Економски показател.

Економски показател.

Getty Images
Процентот на Руси кои велат дека во Русија во моментов има економска криза се намали на 65% во споредба со 75% во август минатата година, соопшти Фондот „Јавно мислење“.

Говорејќи за начините на кои економската криза се манифестира, испитаниците укажуваат на инфлацијата, растот на цените, тарифите (29%), пад на животниот стандард, нивните приходи, надоместоците, намалувањето на платите (26%), невработеноста, отпуштањата од работа (12%), како и слабиот развој на индустријата, земјоделството, падот на економијата во целина (5%).

Меѓутоа, секој четврти учесник во анкетата не гледа криза во економијата (24% наспроти 14% пред една година). Анкетата беше спроведена на 29-30 јули врз 1500 испитаници во 104 населени места на 53 субјекти на Руската Федерација.

Меѓу оние кои го признаваат постоењето на кризата, 18% сметаат дека по една година економската криза во Русија ќе биде посилна отколку што е сега, 8% - послаба, 2% - дека ќе заврши. Дека состојбата нема да се промени, изјавија 28% од испитаниците, пренесува „Интерфакс“.

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња