Во 2017 година Русите потрошиле 890 милијарди рубли за купување нови возила

02 август 2017

Руска реч на македонски

„Лада Веста“, производ на АвтоВАЗ, на „АвтоГермес“ саемот. 14 март 2016, Москва, Русија.

Ројтерс

Руската компанија „Лада“ во првата половина на 2017 заработи 75 милијарди рубли и се најде во тројката лидери на пазарот по добивка.

Во првите шест месеци од 2017 Русите потрошиле за набавка на нови патнички автомобили 890 милијарди рубли, што е за 10% повеќе во споредба со истиот период минатата година. Соодветните податоци ги објави аналитичката агенција „Автостат“.

Извозот на автомобилите „Лада“ поголем за 76%

Лидер во приходите е компанијата „Тојота“, која има заработено речиси 100 милијарди рубли - 1% помалку од претходната година. „Киа“ е втора со мала разлика – со продадени автомобили за 93 милијарди рубли (плус 37%).

На третата позиција се најде рускиот бренд „Лада“, со приход од 75 милијарди рубли (плус 20%), а четвртото место е за „Хјундаи“ со заработка од 73 милијарди рубли (плус 20%). Петтото место е за „Мерцедес-Бенц“, со приход од 72 милијарди рубли (минус 8%).

Вкупно, според Асоцијацијата на Европскиот бизнис (АЕБ), од јануари до јуни оваа година во Русија се продадени 718529 нови патнички автомобили - за 6,9% повеќе од претходната година, пренесува Autonews.

При користење на материјалите на Russia Beyond задолжителен е хиперлинк до изворот од кој е преземен материјалот.

руско општество Накратко