Руските нуклеарни реактори во Индија произведуваат поевтина електрична енергија од европските

АЕЦ „Куданкулам”. Извор: Petr Pavlicek / IAEA

АЕЦ „Куданкулам”. Извор: Petr Pavlicek / IAEA

Електричната енергија произведена во атомските централи, опремени со реактори од типот EPR на француската компанија „Арева“ и AP1000 на САД „Вестингхаус“, ќе биде многу поскапа од онаа што се произведува во АЕЦ „Куданкулам“ од руските реактори ВВЕР -1000.

Ова на крајот на минатата година ѝ беше соопштено на агенцијата PTI од Министерството на атомската енергетика на Индија (DAE), коментирајќи го текот на преговорите со компаниите од Франција и од САД за изградба на идните АЕЦ „Џајтапур“ и АЕЦ „Митхивирди“. 

Без оглед на соседите
Александар Лукашенко ја санкционираше изградбата на првиот енергетски блок на Белоруската нуклеарната електрана.

Во министерството проценуваат дека вредноста на еден киловат  час во АЕЦ „Митхивирди“ во државата Гуџарат која треба да биде изградена со американски реактор АР -1000 e 12 рупии (0,19 долари), а вредноста на еден киловат час во АЕЦ „Џајтапур“ со реактор EPR во државата Махараштра - 9 рупии (0,15 долари). За споредба вредноста на еден киловат час во АЕЦ „Куданкулам“ со руски реактор ВВЕР -1000 е 3.5-4 рупии (0,06 долари). Освен тоа, во DAE забележуваат висока вредност на киловат утврдена моќност во францускиот и во американскиот проект. Според нивни податоци тој е еднаков од 4360 до 4840 долари за шестблоковата АЕЦ со реактори EPR и 6456 долари за шесте реактори од типот АР -1000. Агенцијата цитира неименуван претставник на Министерството, кој коменитира: „Ако не ни успее да се договориме со добавувачите , можно е да се откажеме од овие проекти“. Според неговите зборови добиените во текот на преговорите вредноста на електричната енергија од АЕЦ „Џајтапур“ и АЕЦ „Митхивирди“ е „многу висока , дури и ако се земе предвид инфлацијата“.

Сите права ги задржува „Росијскаја Газета“.