Не пропуштајте!
Придружете се на Russia Beyond на Телеграм за повеќе есклузивни содржини
Елизавета Кокорева е пример за несекојдневен молскавичен подем во кариерата.
Во 2019 година дипломираше на Московската државна академија за кореографија (каде од првата година на студии победуваше на најголемите меѓународни натпревари).
Веднаш штом дипломираше беше примена во балетската трупа на театарот „Бољшој“.
Веднаш ѝ беа доверени водечките улоги во кордебалетот, а потоа и водечките партии во разни претстави.
На крајот на сезоната 2021-2022 ѝ беше доделен статус на прва солистка, а во 2023 година, кога наполни 22 години, и статус на примабалерина.
Елизавета вели дека омилени улоги во забавите ѝ се Сванилде во „Копелија“, Мери во „Оревокршачка“ и Китра во „Дон Кихот“.
За последнава улога отсекогаш сонувала, поради што во голема мера и се определила за балет. Ги изведува главните улоги и во „Жизел“ и „Силфида“.
Младата балерина речиси и да нема слободно време за себе и за приватниот живот - нејзината програма е толку обемна и набиена, но вели дека секое излегување на сцената за неа е „вистинска среќа“.
Понекогаш, за волја на вистината, оди на работа со чувство на рутина, но во салата за проба секогаш чувствува инспирација.
Претходно балетските изведувачи со години се подготвуваа за нивното излегување на сцената во водечките партии, се соживуваа со улогата, ја усовршуваа својата техника и бараа различни бои, но Елизавета припаѓа на новата генерација балетски изведувачи на кои за подготовка им треба многу помалку време.
Една од тајните на нивниот успех се крие во техничките можности.
Младите изведувачи работат многу користејќи видеоснимки, се снимаат себеси и гледаат од сите агли што уште треба да дотераат, така што можат самите да си ги поправат грешките.
Елизавета е мошне активна на социјалните мрежи, со своите следбеници ја споделува атмосферата зад кулисите и фотографии од пробите, свежи снимки од сцените на премиерите и ретките моменти на одмор.
При користење на материјалите на Russia Beyond задолжителен е хиперлинк до изворот од кој е преземен материјалот.
Претплатете се
на нашиот билтен!
Добивајте ги најдобрите стории на неделата директно во вашето сандаче
