Не пропуштајте!
Придружете се на Russia Beyond на Телеграм за повеќе есклузивни содржини
Интересен случај: од јавувањето на иконата на Богородица на свештеникот во населбата Ахтирка во 1739 година до нејзиното појавување поминало малку време. Во 1811 година московските мајстори направиле скапоцена риза за светата слика. Покриена со злато, таа изгледа како да трепка во блага светлина. Ликовите на Богородица и распнатиот Христос се опкружени со фино украсена риза со вметнати медалјони. На шалот што ја покрива главата на Богородица светкаат дијаманти, а на круната блеска сафир.
Првата риза за една од најпочитуваните икони во Русија е направена во XII век по налог на кнезот Алексеј Богољубски од злато, сребро, скапоцени камења и бисери. Подоцна била преработувана неколку пати, а сегашната верзија датира од 1657 година. Направена е по нарачка на патријархот Никон. Мајсторот Петар Иванов ја модернизирал ризата и ја украсил со дијаманти и смарагди.
Оваа икона на Мајката Божја ја почитувале сите - од селани до цареви. Исто така ја сметале за покровителка на династијата Романови. Во колекцијата на „Ермитаж“ се чува во сребрена позлатена риза со богати орнаменти изработени со техника на исчукување. Одеждата на Богородица и Богомладенецот Исус е посипана со бисери наредени да формираат крупни цветови, како и со аметисти и гранати.
Понекогаш иконите биле многу необични не само според украсите, туку и според материјалот од кој се направени. На пример, оваа мала икона била издлабена од византиски мајстори во јаспис и опкружена со златна рамка со смарагди, ахати и алмандини. Таквите икони се носеле околу вратот и се верувало дека ги штитат нивните сопственици од секаква несреќа.
Иконата „Пофалба на Богородица“ му припаѓала на постариот брат на Петар I и неговиот совладетел Иван Алексеевич. Тој пак бил со многу слабо здравје. А иконата била позната по чудотворните исцеленија. Иконата, насликана од мајсторите на московскиот Кремљ, е украсена со скапоцена риза и скапоцени камења кои ги опкружуваат светителите, меѓу другото, Св. Јован Крстител, небесниот покровител на Иван V. Но, погледот го привлекува огромна камеја од сафир со фигурите на Богородица со Исус на престолот. Таа е постара од иконата, а ја изработиле константинополските мајстори во XII век.
Во царското семејство постоел обичај по повод крштевањето на детето да се прави посебна икона „по мерка“, таканаречена „мерна“ икона. Така се викала затоа што била со големина на новороденче, а на неа бил прикажан неговиот светец-покровител. За царот Алексеј Михајлович Тишајши (Најтивкиот) мајсторите на московскиот Кремљ ја направиле иконата „Алексеј – Човекот Божји“, ја покриле со златна риза и ја украсиле со скапоцени камења и бисери. Таа го следела владетелот во текот на целиот негов живот, а по неговата смрт била во неговиот надгробен иконостас во Архангелската црква во Кремљ.
Мала икона во вид на ковчеже за чување мошти ѝ припаѓала на царицата Ирина Годунова. Се состои од две крила, од кои секое е украсено со цвет со блескав сафир. Лево е ликот на Св. Ирина, икона опкружена со богати растителни орнаменти и црно декоративно писмо. Од десната страна е Богородица со богомладенецот, чија риза украсена со берили и крупни бисери ѝ дава на иконата особено свечен карактер.
Благата светлина на металните вратнички со ликовите на архангелите Михаил и Гаврил ја опкружува иконата на Богородица. Нејзиниот лик е овенчан со круна и украсен со бисерни висулки, а целата икона со венец. Сопственик на иконата бил Иван Грјазев, истакнат висок функционер на управата за надворешна политика. Тој бил службеник во амбасадата во Данска, ја однел царската порака до англискиот крал Џејмс, а за време на војводството во Астрахан ги ставил ногајските мурзи под руска власт.
При користење на материјалите на Russia Beyond задолжителен е хиперлинк до изворот од кој е преземен материјалот.
Претплатете се
на нашиот билтен!
Добивајте ги најдобрите стории на неделата директно во вашето сандаче