Пред 196 години: Роден Фјодор Михајлович Достоевски

Познатиот книжевен критичар Висарион Белински го нарече Достоевски „новиот Гогољ“ за неговиот ран роман Бедни луѓе. По иронија на судбината, Достоевски е затворен за ширење на писмо од Белински до Гогољ во кое се критикуваат религијата и владата.

Но, ако не поминеше некое време во затвор, ќе можеше ли да ја напише Злосторство и казна? Или неговата голема Записи од мртвиот дом, во која ги предвиде ужасните работи што се случија во затворските кампови во советско време:

„Ми падна на ум дека ако сакаш да направиш од човекот ништо - да го казниш ужасно, да го смачкаш на таков начин што најзакоравениот убиец ќе трепери пред таква казна и ќе се исплаши претходно – би било неопходно да му се даде на неговата работа карактер на целосна бескорисност, дури апсурдност. <...> Но, нека биде ограничен да претура вода од еден сад во друг, или да превезува количина на земја од едно место до друго, со цел веднаш да го направи спротивното потоа, тогаш сум убеден дека по неколку дена затвореникот ќе се задуши самиот или ќе направи илјадници злосторства, казниви со смрт, наместо да живее во таква ужасна состојба и да трпи такви маки“.

Достоевски е зависник од коцкање, губејќи многу од своето богатство на рулет. За да ги подобри своите финансии, тој потпишува договор со издавачка куќа која бара тој да напише нов роман за многу краток рок. Во рекордно време тој ќе го напише Коцкар, а неговата напрегнатост е рефлектирана во неговата биографија.

Достоевски е писател-реалист кој многу длабоко ја чувствува социјалната катаклизма на своето време. Бесови е еден од првите романи за револуционерните и терористичките движења што ја потресоа Русија до корен - одговорни за убиството на царот Александар II (кој починува истата година како и писателот), предизвикувајќи ја револуцијата од 1917 година.

При користење на материјалите на Russia Beyond задолжителен е хиперлинк до изворот од кој е преземен материјалот.