Москва e против основање на трибунал за падот на малезискиот авион во Украина

Русија не ја поддржува идејата да се основа трибунал за кривично гонење на одговорните за падот на малезискиот „Боинг“ кај Донецк, затоа што истрагата за несреќата не е завршена, изјави заменик-министерот за надворени работи на Русија Генадиј Гатилов.

„Ние, во принцип, воопшто не сме задоволни од оваа идеја поради неколку причини. Истрагата е сѐ уште во тек и никакви заклучоци не се изведени. Холандија само претстави привремена верзија на извештајот. Тие и самите велат дека истрагата и конечниот извештај можат да ги завршат дури кон крајот на годината“, изјави Гатилов.

Тој истакна и дека „порано во сите вакви ситуации не се основаше никаков трибунал“.

МНР Русија веќе го изрази своето негодување по повод оваа идеја, истакнувајќи дека е контрапродуктивна. Од друга страна, Малезија ја поддржа идејата за основање на трибунал по повод падот на авионот во Донбас. 

Сите права ги задржува „Росијскаја Газета“.