Дигитална ДНК: Нов метод за целосна контрола на Интернет

Евгениј Черешнев две години носел имплант под кожата со цел да ја тестира технологијата на „дигитална ДНК“ со чија помош корисниците на Интернет можат да се идентификуваат без корисничко име и лозинка, со помош на уникатни биометриски карактеристики.
Evgeny Chereshnev
Извор: Press Photo

Стручњакот за информациска технологија на „Лабораторијата Касперски“ Евгениј Черешнев смета дека секој човек на Интернет остава уникатна „дигитална трага“ со чија помош луѓето можат да се идентификуваат без корисничко име и лозинка, со помош на збир од биометриски показатели – глас пулс, отисок од прстите и слично, така што дури е можно да се предвидат неговите активности. Тоа е „дигитална ДНК“ што ја има секој корисник на Интернет.

За да ја провери својата теорија, Черешнев направил експеримент. Две години на раката носел имплант кој му бил всаден под кожата и кој ги собирал сите информации за Евгениј, вклучувајќи ја и брзината на отчукувањето текст на тастатурата, речничкиот фонд на социјалните мрежи и биометриските податоци.

„Мојот тим ја истражуваше опасноста од целосно шпионирање на секој човек и можните манипулации со неговото однесување врз основа на анализите и модификацијата на матрицата на однесувањето“, вели Черешнев. „Ме фати ужас кога видов како може да изгледа иднината. Поради тоа сета своја сила, знаења, емоции и искуство ги вложив во спречување на таквата иднина, во која луѓето би биле под целосна контрола“.

Черешнев кон крајот на јануари зборуваше за оваа технологија во Њујорк на конференцијата TED, а претходно истото го говореше во Казањ.

„Човекот е под постојан 'надзор' на сите вклучени уреди и практично нема шанси да остане анонимен. Секој од нас прави карактеристични движења со глувчето со одредена брзина и во одредени делови на екранот. Секој прави сопствени грешки во внесувањето текст, кои дури може и да се предвидат. Некој може да дојде до податоците за движењата, зборовите и банкарските податоци, и тоа да го злоупотреби“, вели Евгениј.

Според него, не е далеку времето кога хакерите ќе можат да имитираат некоја друга личност, а големите компании ќе ги поседуваат и најситните податоци за своите клиенти. „Дигиталната ДНК е белешка за психолошкиот профил на конкретен човек“, вели Черешнев.

Доколку некој поседува дигитални ДНК, тој може да ја идентификува определената личност на Интернет и да ги преземе нејзините податоци, а исто така и да манипулира со нејзините желби, патувања, интересирања и знаења, па дури и со лошите навики.

Според Евгениј Черешнев, овие уникатни податоци и физички и административни треба да ѝ припаѓаат на определената личност. „Ниту една држава или провајдер на кој било сервис нема право да пристапува до дигиталната ДНК без согласност на сопственикот“, убеден е Евгениј.

Авторските права на материјалите се во сопственост на редакцијата. При објавувањето на материјали од порталот „Руска реч на македонски“ во друг медиум, задолжително треба да се постави активен линк кон страницата од која е преземен текстот.
+
Лајкнете нѐ на Фејсбук.