Колку троши Русија за одбрана?

15 април 2016

Николај Литовкин

mil.ru

Русија излезе од тројката на светските лидери по одделени средства за одбрана и ѝ го отстапи третото место на Саудиска Арабија, објавија експерти од Стокхолмскиот меѓународен институт за истражување на проблемите на мирот (SIPRI). Со што е поврзано тоа и ќе има ли влијание ваквата ситуација врз одбранбената способност на Русија – во прашањата и одговорите на „Руска реч на македонски“.

Колку одделува Русија за одбрана?

Според истражувањето на SIPRI за 2015 година Русија ги зголемила трошоците за одбрана за 7,5%, а буџетот на Министерството за одбрана достигнал 66,4 милијарди американски долари.

Тоа е многу или помалку во споредба со другите земји?

Светски лидер по трошоци се САД, кои во 2015 година потрошиле за одбрана 596 милијарди американски долари. На второ место се наоѓа Кина со буџет од 215 милијарди американски долари. Третото место во рангирањето на SIPRI го зазема Саудиска Арабија со трошоци во износ од 84,2 милијарди американски долари.

Колкав дел од БДП е тоа?

Во процентен еквивалент Русија е еден од лидерите според трошоците за одбрана како процент од БДП. На прво место според воени трошоци во листата на SIPRI се САД со 3,5% од БДП. Во Кина овој удел е изнесува 2,1%, а во Русија - 4,5%. Пред Москва се рангираат само Саудиска Арабија и Обединетите Арапски Емирати со трошоци од 10,4%, односно од 5,1%.

Каква е динамиката во Русија - трошоците растат или се намалуваат?

Во 2015 година Москва ги зголемила трошоците за одбрана во националната валута. Според воените аналитичари поради девалвацијата на рубљата и санкциите, дел од трошоците морало да бидат репрофилирани, а дел намалени.

u0420u0443u0441u043au0430u0442u0430 u0430u0440u043cu0438u0458u0430 u0441u0435 u043eu0440u0438u0435u043du0442u0438u0440u0430 u043du0430 u0440u043eu0431u043eu0442u0438

Експертите од SIPRI очекуваат во 2016 година Русија да ги намали трошоците за одбрана.

Каква е динамиката во светот - трошоците растат или се намалуваат?

За прв пат во 2011 година, вкупниот обем на воените трошоци во светот се зголеми за 1% и достигна 1,7 билиони американски долари.

Со што е поврзано тоа?

„Од една страна трошоците за одбрана ја одразуваат ескалацијата на конфликтите и војните во многу региони на светот. Од друга страна тие покажуваат дека порастот на трошоците за воени цели во комбинација со високите цени на нафтата во текот на последната деценија е минато“, истакнува раководителот на проектот во SIPRI Сем Перло-Фриман во извештајот на организацијата.

Што имаат заедничко нафтата и курсот на доларот?

Во 2015 година Русија ги зголеми трошоците за одбрана за 7,5% во национална валута. Всушност падот на цените на нафтата и курсот на рубљата во однос на доларот доведоа до испаѓање на Москва од тројката лидери на листата на SIPRI, бидејќи експертите од Стокхолмскиот институт водат пресметките за трошоци за одбрана според курсот на доларот.

На што морала да штеди Русија?

Според воените експерти Москва ги намалува трошоците за воениот буџет во делот на „услугите“, но не ги намалува средствата за вооружување на војската и борбената подготовка на војниците.

Сите права ги задржува „Росијскаја Газета“.

руска војска руско оружје Руска војска