Москва не се согласува со Париз за вина на Асад за хемискиот напад

Портпаролот на претседателот на Русија Дмитриј Песков изјави дека обвинувањата на Франција на адреса на властите на Сирија за нападот со хемиско оружје не ја менува позицијата на Кремљ по тоа прашање.

„Не, не може“, изјави Песков, одговарајќи на прашањето дали изјавата на министерот за надворешни работи на Франција Жан-Марк Еро може да влијае на некаков начин врз позицијата на Кремљ за Асад и хемискиот напад, пренесува „Газета.ру“.

Како што соопштува „Асошиејтед Прес“ претходно Еро изјави дека специјална истрага на француските власти ја потврдила примената во Хан Шејхун на сарин, кој „има признаци“ дека припаѓа на оние резерви на хемиско оружје какви што имаше режимот на Башар Асад.

Тој исто така потенцираше дека „процесот на создавање сарин бил извршен со методи, стандардни за сириските лаборатории“.

Според Еро, на тој начин може да се зборува дека владата на Сирија е одговорна за хемискиот напад во Идлиб.

Претходно Песков изјави дека фактот за примената на отровни материи во Идлиб предизвикува малку сомнеж, но не смее да се извлекува заклучок за нечија вмешаност во нападот без меѓународна истрага.

При користење на материјалите на Russia Beyond задолжителен е хиперлинк до изворот од кој е преземен материјалот.

Овој веб-сајт користи колачиња. Кликнете овде за да дознаете повеќе.

Прифати колачиња