ДНР и ЛНР ги отфрлаат обвинувањата на Украина за пожарот кај Харков

Донецк негира вмешаност на бунтовниците во пожарот во украинскиот воен склад. Во самопрогласената Донецка народна република не исклучуваат причина за пожарот да е немарност на украинските безбедносни сили.

„Обидите на украинската војска да ја префрли вината за сите проблеми во слабата и потоната во корупција армија не можат да предизвикаат ништо, освен сожалување. Се разбира, ние немаме никаква врска со пожарот“, изјавија за „Интерфакс“ од Министерството за одбрана на ДНР.

Соговорникот на агенцијата соопшти дека разузнавањето на ДНР располага со информации за вистинските причини за пожарот во складот.

„Неконтролираното протекување на информации во украинските вооружени сили ни овозможи да добиеме информации за прелиминарните причини за настанот. Најверојатно, тоа е вообичаената немарност на украинските војници, непочитувањето од нивна страна на основните правила за безбедност причинета од присуството на некои од нив на територијата на воената единица во нетрезвена состојба. А сите изјави на Киев за наводни диверзии се едноставно смешни“, изјави претставникот на Министерството за одбрана на ДНР.

Украина ѝ забрани влез во земјата на руската учесничка на „Евровизија“

Од своја страна, Народната милиција на самопрогласената Луганска народна република (ЛНР) со иронија го коментираше настанот, потсетувајќи на отсуството на руска војска на територијата на самопрогласените републики на Донбас.

„На сите им се познати безобразијата што се прават во украинската армија. Не се ретки случаите на пријателски оган, па дури и самоубиства на војници. Така што нема што да го обвинувате огледалото ако вашето лице не во ред“, истакна претставник на Народната милиција на ЛНР.

Во средата во Харковската област на Украина, во складот за муниција во Балаклеја, случи серија експлозии, по што беа евакуирани 15000 жители на гратчето.

Украинските власти поведоа истрага за „диверзија“ и „немарност“.

При користење на материјалите на Russia Beyond задолжителен е хиперлинк до изворот од кој е преземен материјалот.