Шојгу го извести Путин за ослободувањето на Палмира

Министерот за одбрана на РФ Сергеј Шојгу го информираше претседателот Путин дека сириските владини сили поддржани од ВКС РФ во целост ја ослободиле Палмира.

Министерот за одбрана на Русија Сергеј Шојгу го информираше претседателот Путин дека армијата на Сирија со поддршка од Воздушно-космичките сили на Русија ја заврши операцијата за ослободување на Палмира.

Ова го соопшти РИА „Новости“ повикувајќи се на портпаролот на рускиот лидер Дмитриј Песков.

Претходно беше соопштено дека сириската армија и доброволечките одреди воспоставиле контрола над историскиот дел на Палмира, каде се наоѓаат античките споменици. Претходно беа заземени котата Ат Тар и старата тврдина на Палмира. Потоа терористите на „Исламската држава“ почнаа хаотично да се повлекуваат од историскиот дел на Палмира кон аеродромот и Тадмор.

Се истакнува дека успехот на офанзивата го обезбедиле масовните воздушни напади на руските хеликоптери, пренесува „Взгљад“.

При користење на материјалите на Russia Beyond задолжителен е хиперлинк до изворот од кој е преземен материјалот.

Овој веб-сајт користи колачиња. Кликнете овде за да дознаете повеќе.

Прифати колачиња